آذربایجان و ارمنیستان آراسین‌دا صولح مقاویله‌سینین حاضرلانماسی تشببوسو محض آذربایجانا مخصوص‌دور. بو ایستیقامت‌ده آرتیق خیلی واخت عرضینده ایشلر آپاریلیب و بیر نئچه راوند دانیشیقلار کئچیریلیب. سوله موقاویله‌سینین لاییحه‌سی، بیر سیرا ماده‌لرین رازیلاشدیریلماسی اوزره ده ایلکین مثبت نتیجه‌لر وار ایدی.

Axar.az خبر وئریر کی، بونو آذربایجانین خاریجی ایشلر ناظری جیحون بایراموو مصاحیبه‌سین‌ده بیلدیریب.

"عینی زامان‌دا آچیق بندلر ده کیفایت قدر ایدی. لاکین سون بیر نئچه آی عرضین‌ده دانیشیقلار پروسسین‌ده بیر قدر دورغونلوق یاران‌دی و ارمنیستان طرفینین غیری-کونستروکتیو آددیملارینین شاهی‌دی اولدوق. بیز اونلارین سؤزلری، وئردیکلری ودلرله سرگیلدیکلری یاناشما، آتدیقلاری آددیملار آراسیندا جدی فرق گؤروردوک. بونون ان باریز نمونه‌لری کیمی سنتیابر آیینین ۲-ده ارمنیستانین باش ناظری نیکول پاشینیانین قانون‌سوز، قوندارما رژیمی یارادیلماسینین ۳۲-جی ایلدؤنومو مناسیبتیله تبریک ائتمه‌سینی، بونونلا باغلی آیریجا مئساژ یایماسینی، عینی زامان‌دا آذربایجان اراضیلرین‌ده قانون‌سوز «پرزیدنت سئچکیلری»نین کئچیریلمه‌سینی گؤسترمک اولار. بوتون بونلار دانیشیقلار پروسسینه جدی بیر ضربه ووردو"، - دئیه ناظر بیلدیریب.

بایرامووون سغزلرنه گؤره، حادثه‌لرین بون‌دان سونراکی اینکیشافی و داها سونرا ارمنیستانین حربی تخریباتلارینی داوام ائتدیرمه‌سی آذربایجان اوردوسونون سنتیابرین ۱۹-دا لوکال کاراکترلی آنتی‌ترور تدبیرلری کئچیرمه‌سینی قاچیلماز ائتدی:

"آذربایجان دولتی بین‌الخالق و هومانیتار حقوقون بوتون نورمالارینی گؤزله‌مکله، یوکسک پئشه‌کارلیقلا و قیسا مدت عرضین‌ده همین تدبیرلری یکونلاشدیردی. بیر گون‌دن سونرا آنتی‌ترور تدبیرلری دایاندیریلدی. آذربایجانین لگیتیم طلبلری ارمنیستان نماینده‌لری، قانونسوز قورومون رهبرلری طرفیندن قبول ائدیل‌دی.

اونلار عینی زامان‌دا قاراباغین ارمنی ساکینلرینین نماینده‌لری ایله آذربایجانین مرکزی حاکمیتینین تمثیلچیلری آراسین‌دا یئولاخ‌دا گؤروشون کئچیریلمه‌سینه راضیلاش‌دیلار. بیز بو گؤروشو اوزون مدت اول تکلیف ائتمیشدیک، بونون اوچون دعوتلر وئریلمیشدی. نهایت سنتیابرین ۲۱-ده یئولاخدا قاراباغین ارمنی ساکینلرینین نماینده‌لری ایله ایلک گؤروش باش توتدو".