آذربایجان پرزیدنتی ایلهام علیئوین تاپشیریغی ایله قاراباغ بؤلگه‌سینده سوسیال، هومانیتار، اقتصادی و اینفراستروکتور مسئله‌لرینین حلی مقصدیله باش ناظرین معاوینی شاهین مصطفی‌یئوین رهبرلییی آلتین‌دا ایشچی گروپ یارادیلیب.

Axar.az خبر وئریر کی، بو باره‌ده آذربایجان پرزیدنتی آدمینیستراسییاسی معلومات یاییب.

ایشچی گروپ آذربایجانین ایشغال‌دان آزاد ائدیلمیش اراضیلرینده مسئله‌لرین مرکزلشدیریلمیش قایدادا حلی ایله باغلی علاقه‌له‌ن‌دیرمه قرارگاهینین چرچیوه‌سینده فعالیت گؤستریر.

ایشچی گروپون ترکیبینه اقتصادیات، امک و اهالینین سوسیال مدافعه‌سی، کند تصروفاتی، داخیلی ایشلر، صحییه، علم و تحصیل ناظرلیکلری، «آذرانرژی»، «آذرایشیق»، «آذریگاز» ایستحصالات بیرلییی، آوتومبیل یوللاری دولت آگنت‌لییی و دیگر عایدیتی قوروملار داخیلدیر.

۲۰۲۳-جو ایل سنتیابرین ۲۰-دن اعتباراً ایشچی گروپ طرفیندن آشاغی‌داکی تدبیرلر حیاتا کئچیریلیب:

• ۲۰۲۳-جو ایل سنتیابرین ۲۲-ده فوق العاده حاللار ناظرلییی طرفیندن ارمنی ساکینلری اوچون ۴۰ تن‌لوق ارزاق محصوللاری و گیگینیک واسطه‌لردن عبارت ۲ یوک آوتومبیلی و ۲ چؤرک دولو آوتومبیل فعالیتده اولان آغدام-عسگران-خانکندی یولو ایله یولا سالینیب؛

• ارمنی ساکینلرینین ایلکین طبی یاردیم و قیدا ایله تعمین اولونماسی مقصدیله فوق‌العاده حاللار ناظرلییی طرفین‌دن آغدام، فضولی و کلبجرده ۱۰۰۰ نفرلیک چادیر دوشرگه‌لری قورولوب. اراضی‌ده‌کی پلیس قوه‌لری، حربی هئیت و مولکی ایشچیلر طرفین‌دن ارمنی ساکینلره یئرلرده ایلکین طبی یاردیم و موافق دستک گؤستریلیر؛

• سنتیابرین ۲۱-ده یئولاخ شهرینده کئچیریلمیش گؤروشده ارمنی ساکینلرین نماینده‌لرینین خواهیشینه اویغون اولاراق، ایلک نوبه‌ده، باغچالار، تعجیلی طبی یاردیم و یانغین سؤندورمه خیدمتلری اولماقلا یاناجاق-سورتگو ماتریاللارینین گؤندریلمه‌سی تعمین ائدیله‌جک؛

• روسییا صولحمراملی قوه‌لرین کونتینگنتینین شخصی هئیتینین ایستیفاده‌سی، ائلجه ده صولحمرام‌لیلار واسطه‌سیله مولکی اهالییه چاتدیریلماسی اوچون لاچین-خانکندی یولو ارزاق و گونده‌لیک طلبات ماللارینین کئچیدی تعمین اولونور؛

• بین‌الخالق قیرمیزی خاچ کمیته‌سی (بقخک) طرفیندن آغدام-عسگران-خانکندی و لاچین-خانکندی یولو ایله ارزاق، درمان پرپاراتلاری و اوشاق قیداسیندان عبارت یوکلرین آپاریلماسینا، تشکیلاتین باکی و جنوره اوفیسلریندن خانکندیده اولان آلت-اوفیسینه علاوه هئیتین اعزام اولونماسینا شرایط یارادیلیر؛

• بین‌الخالق قیرمیزی خاچ کمیته‌سینین مراجعتی اساسین‌دا طبی یاردیما احتیاجی اولان شخصلرین ارمنیستانا تخلییه‌سی اوچون ضروری امکانلار یارادیلیر.