خانکندی‌ده یاناجاق منطقه‌سینده باش وئرن پارتلاییش نتیجه‌سینده یارالیلارین سایینین ۲۰۰-دن چوخ اولدوغو ادعا ائدیلیر. و اساس طلب کیمی هاوا مکانینین آچیلماسینی، یارالیلارین هلیکوپتئرلرله ارمنستانا داشینماسینی ایر‌لی سورورلر.

Axar.az خبر وئریر کی، بو باره‌ده پولیتولوگ آصیف نریمانلی قید ائدیب.

او بیلدیریب کی، اگر پارتلاییش حاضیرلانمیش تخریباتین نتیجه‌سی‌دیرسه، بونو هاوا مکانینین آچیلماسینی ایسته‌یه‌نلر ائده بیلر:

«هاوا مکانینین آچیلماسیندا ان چوخ ماراقلی اولانلار ایسه سپارات‌چیلاردیر - هم کئچمیش، هم حاضیرکی «رهبرلر»:

- کئچمیش «رهبرلری» تحویل-تسلیم پروسسینین سونوندا حبس ائدیلمک تهلوکه‌سی ایله یاشاییر: اونلار لاچین یولوندان چیخماغا ریسک ائتمه‌دیکلری اوچون هلیکوپترله گئتمک‌ده ماراقلیدیر؛

- حاضیرکی «رهبرلر»ین اساس میسییاسی آذربایجانین الینه کئچمه‌سینی ایستمه‌دیکلری سندلری، یاخود هانسیسا داشینا بیلن اشیالاری «تهلوکه‌سیز» شرایط‌ده بؤلگه‌دن چیخارماق اولا بیلر.

بنزین چنینین دولو اولوب-اولماماسی دا حادثه ایله باغلی احتیماللارین یؤنونو دییشه بیلر: اگر چن دولو اولوبسا، بو پارتلاییش ارمنیلرین ارمنستانا گئتمه‌سینی سنگیده‌جک».