خوجالی قتل‌عامینین آچدیغی یارالار وار. طبیعی کی، او قتل‌عامی یاشایانلار و بیزلر اوچون ده خوجالی قتل‌عامی اونودولا بیلمز. ارمنیستان حاضردا خوجالی قتل‌عامینین جوابینی وئریر و وئرجک. چونکی ۱ میلیون آذربایجانلی خوجالی‌دان و دیگر شهرلردن سانکی هجرت ائتدی. هارایا؟ آذربایجانا. ایندی اون ایللر سونرا آذربایجان بو قتل‌عامین حسابینی چکدی. چوخ-چوخ فرقلی شکیلده حسابینی چکدی و تورپاقلارینی گئری آلدی.

Axar.az خبر وئریر کی، بونو تورکیه پرزیدنتی رجب طیب اردوغان آذربایجاندان رسمی سفردن قاییدان زمان ژورنالیستلره مصاحبه‌سینده دئییب.

«معلوم اولدوغو کیمی، مینسک اوچلویو اولان آمریکا، روسیا، فرانسا ایللرله آذربایجانین بو حاقینی تانیمادیلار. سوندا آذربایجان گؤبیینی اؤزو کسدی و ایشینی بیتیردی. ایندی خوجالی‌دا آرتیق کیمی وار؟ – خوجالینین گئرچک صاحبلری... بوتون شهیدلره الله‌-دان رحمت دیلییریک. آذربایجان اردوسو خوجالییا خاوس، قان و اؤلوم دئییل، ثابتلیک و صلح گتیرمک اوچون گیردی. ایللر اؤنجه اورایا ارمنی قلدورلارینین گیردیی کیمی گیرمدی. انسانلاری قتله یئتیرمک اوچون گیرمدی. خوجالییا حاقی اولان صلحو و امین-آمانلیغی برقرار ائتمک اوچون گیردی. اؤز تورپاغیندا سونرا گله‌جک ظفرلرین مژده‌سی ایله گیردی. آذربایجان خوجالی و قاراباغ اوچون ده آذربایجانین سووئرنلیی آلتیندا دائمی صلح و ثابتلیین واختی گلیب. ارمنیستانا دوشن ده بو ثابتلیین برقرار ائدیلمه‌سی و محافظه‌سی اوچون صلحون یانیندا دورماقدیر»، - او بیلدیریب.