«نیو یورک تایمز» قزئتینین ادعاسینا گؤره، عالی دینی لیدر علی خامنه‌اینین امرینی یئرینه یئتیرن اسلام انقلابی کئشیک‌چیلری کورپوسونون کوماندانلیغی اسرائیله راکت هجومونا باشلامازدان اول ایران پرزیدنتی مسعود پزشکیانا معلومات وئرمه‌ییب. آمریکا نشری بونو عملیاتلا باغلی ایران رهبرلیینده ممکون پارچالانما ایله ایضاح ائدیب.

Axar.az خبر وئریر کی، پولیتولوق ائلخان شاهین‌اوغلونون فکرینجه، نشرین بو ادعاسینین نه درجه‌ده حقیقته‌اویغون اولدوغونو سؤیله‌مک چتیندیر.

«بو ایرانا قارشی اینفورماسییا محاربه‌سینین ترکیب حصه‌سی اولا بیلر. فکریمجه، اسرائیله هجوم باره‌ده پرزیدنت مسعود پزشکیانا معلومات وئریلیب، ساده‌جه، هجوم قرارییلا باغلی اونون رایی اؤیرنیلمه‌ییب، او، فاکت قارشی‌سیندا قویولوب. ضربه ائندیریلدیکدن سونرا ایسه مسعود پزشکیان هجومو دستکله‌یه‌ن فکرلر پایلاشماق مجبوریتینده قالیب. آنجاق پزشکیان اسرائیلین جواب ضربه‌لرینین ایرانا هانسی ضرر ووراجاغینی دا آنلامامیش دئییل. پزشکیان سئچیله‌نده بین‌الخالق عالمله مناسبتلری نظاملایاجاغینی، اقتصادی وضعیتی دوزلدجیینی وعد ائتمیشدی. اسرائیلله محاربه بو پلانلارین اوستوندن خط چکه‌جک».