تورکیه پ.ک.ک-نین پ.ی.د/ی.پ.گ قانادینا قارشی مبارزه‌ده ایللردیر تمیزله‌مک ایستدیی منبیچه سوریا ملی اردوسو اوزریندن داخل اولدو. بو شهر ۲۰۱۶-جی ایلده آمریکا-نین دستیی ایله پ.ی.د-نین نظارتینه کئچیب. واشینگتون آنکارایا شهرین تمیزلنه‌جیی وعدینی وئرسه ده، یئرینه یئتیرمه‌دی. عینی وعدی ۲۰۱۹-جو ایلده روسیا تورکیه‌یه وئرسه ده، آنلاشما کاغیذ اوزرینده قالدی.

شهرین نظارته گؤتورولمه‌سی تورکیه اوچون استراتژی قازانج دئمکدیر.

- تورکیه فراتین شرق ساحلینده محکمله‌ندی؛

- سوریا اراضی‌سینده تورکیه‌یه ممکون هجوملارین قارشی‌سینی آلماقدا جغرافی اوستونلوک قازاندی؛

- پ.ی.د/ی.پ.گ فرات چایینین غرب ساحلینده جدی تأثیر ایتیردی و چایین شرقینه دوغرو سیخیشدیریلدی:

- تورکیه اوچون سوریادا و عراق‌دا پ.ک.ک/پ.ی.د/ی.پ.گ ایله مبارزه‌نین یئنی مرحله‌سینین باشلاندیغی گؤرونور: منبیچه نظارت آمریکا-نین دستکلدیی بو گروپلاشمایا قارشی عملیاتلاردا تاکتیکی باخیمیندان اوستونلوک قازاندیریر؛

- عراق‌دان آرالیق دنیزینه قدر اوزانان جغرافییادا پلانلاشدیریلان «کورد دهلیزی» پلانی جدی شکلده انگللندی: تورکیه سوریادا کئچیردیی عملیاتلارلا بو پلانین قارشی‌سینی آلسا دا، ۲۰۱۷-جی ایلدن باشلایاراق، آمریکا بو پلانین اجراسی اوچون مارشروتا معین دییشلیکلیک – منبیچ‌دن حلبه، اورادان لازکیه و آرالیق دنیزینه چیخیش – ائتمیشدی؛ اسدین گئتمه‌سی و روسیا حربی بازالارینین چیخاریلماسی گؤزلنتیسی بو مارشروتو داها دا آکتواللاشدیرا بیلر، لاکن منبیچین نظارته گؤتورولمه‌سی ایله بو مارشروتون رئاللاشماسی امکانلاری دا آزالدیلدی؛

- و سوریا ماساسیندا آپاریلاجاق ممکون دانیشیقلاردا الینی گوجلندیردی.

هرچند، منبیچین نظارته گؤتورولمه‌سی پ.ی.د/ی.پ.گ ایله مبارزه‌ده مهم باشلانغیج‌دیر، تورکیه داها گوجلو شکلده اساس مرحله‌یه بوندان سونرا باشلاییر.