آذربایجان پرزیدنتینین کمکچی‌سی حیکمت حاجییئوین ایرانا سفری و تهران‌دا قونشو دولتین رسمیلری ایله گؤروشلری داوام ائدیر. بو سفر بیر نئچه سببدن آذربایجان اوچون اهمیتلی‌دیر.

Axar.az خبر وئریر کی. بو سؤزلری پولیتولوق ائلخان شاهین‌اوغلو قید ائدیب.

او، حیکمت حاجییئوین ایرانا سفرینین گوندمینی بو جور ایضاح ائدیب:

«بیرینجی‌سی، تهرانین دقتینه بیر داها چاتدیریلیب کی، آذربایجان جنوب قونشوسویلا مناسبتلرده گرگینلیک ایسته‌میر، اؤلکه‌میز قارشی‌لیقلی فایدالی امکداشلیقدا ماراقلی‌دیر.

ایکینجی‌سی، ارمنیستانین موقعیی سببیندن زنگزور دهلیزی یوباندیغینا گؤره، آذربایجان ایران اراضی‌سیندن – آراز چایینین ساحلی ایله کئچه‌ن دهلیزه اهمیت وئریر. چایین اوزرینده کؤرپونون انشاعاتی بیتمک اوزره‌دیر. ایران اوزریندن دهلیزین قیسا مدتده ایشه دشمسینین بؤلگه اؤلکه‌لری اوچون فایداسی اولاجاق. بونو تهران دا آنلامامیش دئییل.

اوچونجوسو، آذربایجانین مختلف اؤلکه‌لرله، او جمله‌دن اسرائیل و آمریکا-یلا مناسبتلرینین ایرانا قارشی یؤنلمدیی دفعه‌لرله دئییلیب و بو، تهران‌دا تکرارن ایرانلی رسمیلرین دقتینه چاتدیریلیب.

دؤردونجوسو، رسمی باکی معتدل پرزیدنت مسعود پزشکیانلا نرمال امکداشلیغا امید ائدیر. پزشکیانین دا آذربایجانلا امکداشلیغا ماراغی وار. ممکوندور کی، تهران‌داکی دانیشیقلاردا ایکی اؤلکه پرزیدنتینین یاخین مدتده گؤروشونون تشکیلی باره‌ده ده فکر مبادله‌سی آپاریلیب.

بو سادالانان مثبت مقاملارا باخمایاراق، ایرانین محافظه‌کار و دینی دایره‌لری نوبتی آنتی‌آذربایجان تخریباتلاری ایله الده ائدیله‌نلرین اوستوندن یئنه خط چکه بیلرلر. هر دفعه‌سینده بئله اولور، ایکی اؤلکه‌نین رسمیلری و دیپلماتلاری گؤروشور، طرفداشلیقدان و اورتاق لاییحه‌لردن دانیشیرلار، اوستوندن بیر مدت کئچدیکدن سونرا ایالت ملالاریندان بیری و یا سپاه گنرالی آذربایجانی هدف گؤتورن آچیقلاما وئریر، ایران دولتینین نظارتینده‌کی تلویزییا کاناللاری، آگنتلیکلری و سایتلاری بونلاری یاییملاییر، نتیجه‌ده مثبته دوغرو ایر‌لی سوروله‌ن تشببوسلر یاریمچیق قالیر».