تورکیه‌نین آذربایجان‌دا حربی بازاسینین یارادیلماسینا احتیاج اولدوغونو دوشونمورم.

Axar.az خبر وئریر کی، بو سؤزلری ا.ح.د پارتییاسینین صدری، ملت وکیلی قودرت حسنقولیئو مدیانین سوالینا جواب اولاراق دئییب.

«بیز تورکیه ایله قونشویوق، احتیاج اولسا، تورکیه چوخ آسانلیقلا آذربایجانا یاردیم ائده بیلر. اما بئله تشببوسلرله چیخیش ائتمه‌میشدن اؤنجه اؤیرنملییک کی، تورکیه بونا راضی اولارمی؟ بو، تک بیزدن آسیلی اولان مسئله دئییل. روسیانین اعتراضی تورکیه - روسیا مناسبتلرینه جدی زیان وورا بیلر. تورکیه بونا حاضردیرمی؟ بیز ایندی تورکیه ایله داها چوخ اقتصادی باخیم‌دان اینتگراسییا اولونمالی، ماللارین، ایشچی قوه‌سینین، کاپیتالین سربست حرکت ائتدیی عمومی بازار یاراتماغا چالیشمالییق. آذربایجان رگیونون انکشافی و تهلوکه‌سیزلیی اوچون «۳+۳» فورماتین‌دا امکداشلیغا و اینتگراسییایا جدی ایستیمول وئرمه‌لیدیر»، - او بیلدیریب.