آذربایجان پرزیدنتی ایلهام علیئو و ارمنیستان باش ناظیری نیکول پاشینیان ایولون ۱۰-دا ابو-دابی‌ده (امارات) کئچیریله‌ن گؤروشده زنگزور دهلیزینین آچیلماسی باره‌ده راضیلیغا گلیب.

Axar.az خبر وئریر کی، بو ادعا ایله "رسپوبلیکا میدانی" تلگرام کانالی (ارمنیستان) چیخیش ائدیب.

کانال بیلدیریب کی، گؤروشدن سونرا کمونیکاسییالارین آچیلماسی ایله باغلی مثبت مساژلار سسله‌ندیرن ایروان زنگزور دهلیزینی آذربایجان و تورکیه‌یه تحویل وئرمه‌یه حاضیرلاشیر.

"علیئو و پاشینیان ابو-دابی‌ده مهم قرارا گلیب. بو قرارا اساساً، ارمنیستان حاکمیتی زنگزور دهلیزینی تحویل وئریر"، - معلومات‌دا دئییلیر.

منبع راضیلاشمانین آذربایجان و ارمنیستان آراسین‌دا صلح سازشینین امضالانماسی چرچیوه‌سینده الده ائدیلدیینی وورغولاییر.

تلگرام کانالی دهلیزه نظارتله باغلی ارمنیستان خارجی ایشلر ناظیرینین معاونی مناتساکان سفریانین سؤزلرینه ده دقت چکیر. ارمنی دیپلمات کمونیکاسییانین (زنگزور دهلیزی) بین‌الخالق شرکتین نظارتی آلتین‌دا فعالیت گؤستره بیله‌جیینی استثنا ائتمه‌ییب.

منبع‌نین ادعاسینا گؤره، صحبت نظارتین آمریکا شرکتینه وئریلمه‌سیندن گئدیر:

"پاشینیان و کومانداسی زنگزور دهلیزینه نظارتی آمریکا-یا وئرمه‌یه حاضردیر. یعنی روسیانین ارمنیستان‌دان قوولماسینین اساسی قویولور».

مقاله‌ده تکجه روسیانین یوخ، ایرانین دا زنگزور دهلیزیندن کناردا قالاجاغی بیلدیریلیر.