آذربایجان رسپوبلیکاسینین پرزیدنتی ایلهام علیئو مونتنگرو پرزیدنتی یاکوو میلاتوویچو بو اؤلکه‌نین ملی بایرامی مناسبتیله تبریک ائدیب.

Axar.az تبریکین متنینی تقدیم ائدیر:

"مونتنگرونون ملی بایرامی مناسبتیله سیزه و بوتون خالقینیزا اؤز آدیم‌دان و آذربایجان خالقی آدیندان ان صمیمی تبریکلریمی چاتدیریرام.

آذربایجان مونتنگرو ایله مناسبتلرینین انکشافینا بؤیوک اؤنم وئریر. بو گون خوش عنعنه‌لر اوزرینده قورولموش و کونستروکتیو روحدا انکشاف ائد‌ن دولتلرآراسی علاقه‌لریمیز و امکداشلیغیمیز ممنونلوق دوغورور.

کئچن ایلین نویابریندا کوپ۲۹-دا اشتراک ائتمک اوچون سیزین اؤلکه‌میزه سفرینیز آذربایجان-مونتنگرو علاقه‌لرینین انکشافی باخیمیندان اهمیت کسب ائدیر. حاضردا مختلف ساحه‌لرده، خصوصیله ده اقتصادیات، توریزم، سرمایه قویولوشو و دیگر استقامتلر اوزره قارشیلیقلی فایدالی امکداشلیغیمیزین احاطه دایره‌سینین گئنیشلندیریلمه‌سی اوچون یاخشی امکانلار موجوددور.

امینم کی، خالقلاریمیزین اراده‌سینه اویغون اولاراق بیرگه سعیلریمیزله اؤلکه‌لریمیز آراسیندا دوستلوق مناسبتلری، ایکیطرفلی و چوخطرفلی قایدادا امکداشلیغیمیز بوندان سونرا دا دینامیک انکشاف ائد‌جک و داها دا درینلشه‌جک‌دیر.

بو علامتدار گونده سیزه محکم جانساغلیغی، ایشلرینیزده اوغورلار، دوست مونتنگرو خالقینا دایم امین-آمانلیق و فیراوانلیق دیله‌ییرم".