سورییانین کئچید دؤورو پرزیدنتی احمد الشرع آذربایجانا سفری چرچیوه‌سینده اسرائیل رسمیلری ایله گؤروشوب.

Axar.az خبر وئریر کی، بو باره‌ده اسرائیل مطبوعاتی معلومات یاییب.

معلوماتا گؤره، پرزیدنت الشرعه یاخین منبع ایکی و یا اوچ بئله گؤروشون پلانلاشدیریلدیغینی بیلدیریب.

سورییانین خارجی ایشلر ناظری اسد الشیبانی و سورییا حکومتینین اسرائیلله مناسبتلرده تهلوکه‌سیزلیک مسئله‌لری اوزره نماینده‌سی احمد الدالاتینین ده بو گؤروشلرده اشتراکی گؤزله‌نیلیر.

اسرایل نماینده هئیتینه باش ناظر بنیامین نتانیاهونون خصوصی نماینده‌سی، همچینین تهلوکه‌سیزلیک و حربی رسمیلر داخیل‌دیر.

مذاکره اولوناجاق موضوعلار آراسیندا اسرائیل و سورییا آراسیندا تهلوکه‌سیزلیک راضیلاشماسی، ایران تهلوکه‌سی، حزبوللاه و فلسطین ترورچولارینین سلاحلاری، لیوان‌داکی فلسطین دوشرگه‌لری وار. بوندان باشقا، دمشق‌ده دیپلوماتیک استاتوسو اولمایان اسرائیل کووردیناسییا اوفیسی‌نین آچیلماسی امکانلاری دا مذاکره اولونا بیلر.