آمریکا-نین تورکیه‌ده‌کی سفیری تام باراک واشینگتنون زنگزور دهلیزی ایله باغلی تکلیفینی آچیقلاییب: ۳۲ کیلومترلیک مارشروت آمریکا شرکتینه ۱۰۰ ایللیک اجاره‌یه وئریلیر و هر کسین استفاده‌سینه آچیلیر؛

زنگزور دهلیزینده تهلوکه‌سیزلیین اؤزل شرکته وئریلمه‌سی ایدئیاسی ایلک دفعه ارمنیستان طرفیندن ایر‌لی سورولوب. دهلیزین روسیانین اشتراکی ایله آچیلماسینی قارشی چیخان ایروانین ایکی ایل اؤنجه گوندمه گتیردیی بو واریانتین آوروپاداکی طرفداشلارینین ایدئیاسی اولدوغو استثنا دئییلدی. همین واخت رگیونال کونیوکتورا فونون‌دا باکی بونو قبول ائتمیردی و اساساً ۱۰ نویابر راضیلاشماسی اوزرینده دایانیردی. موجود کونیوکتورادا آذربایجان و ارمنیستانین دهلیزین روسیاسیز آچیلماسی اوزرینده مؤقعلری یاخینلاشیب، لاکن اساس پروبلم تهلوکه‌سیزلیین نئجه و کیمین طرفیندن تامین ائدیله‌جییدیر.

تام باراکین آچیقلاماسی واشینگتنون ضامین کیمی اشتراک نیتینی رسمی شکل‌ده تصدیق ائدیر. هرچند، بو واریانتین طرفلرین ماراقلارینا نه قدر اویغون اولدوغو مباحثه‌لی‌دیر، خصوصیله ۱۰۰ ایللیک اجاره مسئله‌سی فونون‌دا.

آمریکا شرکتینین ۱۰۰ ایللیک اجاره ایله دهلیزده اولماسی آمریکا-نین جنوبی قافقازدا موجودلوغو دئمکدیر و بورادا واشینگتنون هم بؤلگه‌نی، هم ده اورتا دهلیزی نظارته گؤتورمک هدفلری آیدین گؤرونور. لاکن بو نه ارمنیستان، نه آذربایجان اوچون صرفلی دئییل، همچنین، رگیونون گله‌جیی باخیمیندان دا ریسکلی‌دیر.

بیرینجی‌سی، آمریکا-نین دهلیزده ۱۰۰ ایللیک اشتراکی جنوبی قافقازی روسیا ایله توققوشما پلاتفورماسینا چئویره بیلر؛

ایکینجی‌سی، زنگزور دهلیزی اورتا دهلیزین اساس کئچیدلریندن بیریدیر و آمریکا-نین بورادا اولماسی رگیون‌دا چینله توققوشما پرسپکتیوی یارادیر: بئله بیر توققوشما پکینین اورتا دهلیزه ماراغینی آزال‌دا، «بیر کمر، بیر یول» لاییحه‌سینده آلترناتیو مارشروتلاری آکتواللاشدیرا بیلر؛

اوچونجوسو، زنگزور دهلیزی تورک دنیاسینین جغرافی بؤلونمه‌سینی آرادان قالدیرماق رولونو دا اوینایاجاق. کی، آمریکا-نین ۱۰۰ ایللیک اشتراکی باکی و آنکارانین بو جغرافییاداکی هدفلرینه ده نظارت دئمکدیر؛

پروبلمین حلینده آلترناتیو حل یوللاری توکنمه‌ییب:

- باکی و ایروان ناخچیوانا مانعه‌سیز کئچیدین تهلوکه‌سیزلیینی ایکی‌طرفلی فورمات‌دا تامین ائتمیین یوللارینی آختارا بیلر: بو، رگیون‌دا اوچونجو طرفلرین اشتراکی ایله توققوشما ریسکلرینین قارشی‌سینی آلماق باخیمیندان دا اهمیتلی‌دیر؛

- اوچونجو طرفین اشتراکی قاچیلماز اولاجاقسا، باکی و آنکارا تورکیه‌نین ده دهلیزده بو و یا دیگر فورمادا اشتراکین‌دا اسرار ائتمه‌لیدیر.