نیکول پاشینیانین بوگونکو مطبوعات کنفرانسین‌دان هانسی نتیجه‌لر چیخارماق اولار؟ بیرینجی‌سی، نیکول پاشینیان آذربایجانلا صلح سازشینین امضالانماسیندان اول اونو پارافلاماق ایستییر. او، بونو گلن ایل پارلامنت سئچکی‌سینه قدر امضالاماق ایسته‌ییر کی، اؤلکه داخلینده و خارجینده مؤقعلرینی محکملتسین.

Axar.az خبر وئریر کی، بو سؤزلری پولیتولوق ائلخان شاهین‌اوغلو بیلدیریب.

«ایکینجی‌سی، ارمنیستان حکومتی کلکتیو تهولکه‌سیزلیک مقاوله‌سی تشکیلاتینی ترک ائتمه‌یه حاضیرلاشیر. پاشینیان مطبوعات کنفرانسین‌دا کرمله مساژ گؤندردی کی، ایروانین قراری قطعی‌دیر و گئری دؤنوشو اولمایاجاق.

اوچونجوسو، نیکول پاشینیان زنگزور دهلیزینی آمریکا و یا آوروپا شرکتلریندن بیرینه اجاره‌یه وئرمه‌یه حاضردیر. حالبوکی هله دونه‌ن ارمنیستان خارجی ایشلر ناظیرلیی بونو انکار ائد‌ن بیانات یایمیشدی.

بئله‌لیکله، نیکول پاشینیان آذربایجان و تورکیه ایله مناسبتلرین نرماللاشماسینی اوزاق گله‌جه‌یه ساخلاماق ایسته‌میر. بونا باخمایاراق، پاشینیان صلح سازشینین امضالانماسی اوچون ضروری اولان کونستیتوسییا دییشیکلیینی سرعتله‌ندیرمک ده ایسته‌میر. پرینسیپ اعتباریله بیز ده صلح سازشینین امضالانماسینا تلسمیریک. اگر پاشینیانین سؤیلدیی کیمی، یئنی کونستیتوسییانین متنینی ارمنیستان‌دا پارلامنت سئچکی‌سیندن سونرا رفراندوما چیخاراجاقلارسا، بو، تخمیناً ۱۰ آیلیق مدت دئمکدیر. یعنی چوخ دا گؤزله‌مک لازم گلمه‌یه‌جک. پاشینیان زنگزور دهلیزینی آمریکا و آوروپا شرکتلریندن بیرینه اجاره‌یه وئرمک ایسته‌ییرسه، بو قرارینی سرعتله‌ندیرمه‌لیدیر. چونکی بو قراردان سونرا هله دمیر یولونو برپا ائتمک لازم گله‌جک. بونا دا واخت لازم‌دیر»، - پولیتولوق قید ائدیب.