ایرانین عالی رهبری علی خامنه‌ای بو دفعه باش مشاوری علی لاریجانینی کرمل صاحبی ولادیمیر پوتینله گؤروشه گؤندریب. روسیا پرزیدنتینین مطبوعات کاتبی دمیتری پسکوون سؤزلرینه گؤره، لاریجانینین پوتینله گؤروشو ایران رهبرلیینین بیرباشا تاپشیریغی ایله حیاتا کئچیریب. ماراقلی‌دیر، گؤره‌سه‌ن عالی رهبر مشاورلرینی کرمل صاحبی ایله گؤروشه گؤندرنده، مقصدی باره‌ده پرزیدنتی معلوماتلاندیریر؟

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، ایران کونستیتوسییاسین‌دا اساس فیقورون عالی رهبرین اولدوغو بللی‌دیر:

«آنجاق آخی ایران پرزیدنتینه طابع اولان خارجی ایشلر ناظیری وار و اؤلکه‌نین خارجی سیاستینه او جوابده‌دیر. آذربایجانا باخیشدا ایران‌داکی پارالل ایستروکتورلارین فرقینی گؤردوک. ایرانین خارجی ایشلر ناظیری عباس عراقچینین چیخیشلارین‌دا و آچیقلامالارین‌دا آذربایجانا ایرادی اولمازکه‌ن، عالی رهبرین بین‌الخالق مسئله‌لر اوزره مشاوری علی اکبر ولایتی بیر نئچه گون اول پاکیستانین داخلی ایشلر ناظیری ایله گؤروشده اونا آذربایجاندان شکایت ائتدی. بونون اؤزو ده ماراقلی‌دیر کی، مشاور آذربایجانلا باغلی «ایرادلارینی» پاکیستانین ناظیرینه نیه بیلدیریب؟ پاکیستان آذربایجانین استراتژی طرفداشی‌دیر و اسلام‌آباد ولایتینین «ایرادلارینی» تکرارلامایاجاق. گؤرونور، ولایتی عالی رهبرین آذربایجانلا باغلی «ایرادلارینی» دولایی یوللا باکینین دقتینه چاتدیرماق ایسته‌ییب. آنجاق همین «ایرادلار» منتیقسیز اولدوغونا گؤره، باکی اونلارا اهمیت وئرمه‌ییب. باکینین طرف مقابلی قم دئییل، تهران‌دیر».