شرقی آذربایجان ایالتینین جلفا بؤلگهسیندن اولان حقوقشناس و ملی فعال ییلماز مهرعلیبیلی ایولون ۳۰-دا جلفا شهرینین حبسخاناسینا کؤچورولوب.
Axar.az خبر وئریر کی، بو حاقدا اونون عائلهسی معلومات یاییب.
"ییلماز قیسا تلفن دانیشیغی زمانی اونا قارشی "حکومت علیهینه تبلیغات" و "اجتماعی رایی چاشدیرماق" اتهاملارینین ایرلی سورولدویونو بیلدیریدی. او، سوسیال مئدیاداکی چیخیش و پایلاشیملارینین بارهسینده ایرلی سورولن اتهاملارا ثبوت کیمی سندلشدیریلدیینی دئدی"،- معلوماتدا بیلدیریلیب.
قید ائدک کی، تهلوکهسیزلیک مأمورلاری ییلماز مهرعلیبیلینی ایولون ۲۱-ده حبس ائدرک تبریزین تهلوکهسیزلیک تجریدخاناسینین استنتاق بؤلمهسینه آپاریبلار.
آذربایجانلی حقوقشناس بوندان اول ده دینج فعالیتلرینه گؤره تعقیب و تضییقلرله اوزلشیب، تهلوکهسیزلیک ادارهسینین گؤستریشی ایله عضو اولدوغو شرقی آذربایجان وکیللر کولگیاسیندان اوزاقلاشدیریلیب.