بو گون ۱ آوگوست - آذربایجان الیفباسی و آذربایجان دیلی گونودور.

Kult.az خبر وئریر کی، عموم‌میللی لیدر حیدر علیئوین امظالادیغی ۹ آوگوست ۲۰۰۱-جی ایل تاریخلی ۵۵۲ نمره‌لی فرمانلا هر ایل آوگوست آیی‌نین ۱-ی اؤلکه‌میزده آذربایجان الیفباسی و آذربایجان دیلی گونو کیمی قید ائدیلیر.

رسپوبلیکادا دیل سیاستینین فورمالاشدیریلماسی، آذربایجان دیلینین دولت دیلی کیمی تطبیقی ایشینین تکمیللشدیریلمه‌سی و دونیا آذربایجانلیلارینین انسیت واسطه‌سینه چئوریله‌رک میللی همرایلیین گؤستریجی‌سی کیمی بین‌الخالق عالم‌ده رولو و نفوذونون یوکسلمه‌سی عموم‌میللی لیدر حیدر علیئوین آدی ایله باغلیدیر. اولو اؤندر آذربایجان خالقی‌نین میللی وارلیغینین اساس رمزی اولان آنا دیلیمیزین صافلاشدیریلماسی و زنگینلشدیریلمه‌سی استیقامتینده چوخ مهم آددیملار آتیب و آذربایجان دیلینین انکیشافی و قورونماسی مقصدیله اهمیتلی سندلر تصدیق ائدیب.

مستقیل آذربایجانین ۱۹۹۵-جی ایلده عموم‌خالق سسوئرمه‌سی یولو ایله قبول اولونموش کونستیتوسییاسیندا آذربایجان دیلینین آذربایجان رسپوبلیکاسینین دولت دیلی کیمی تثبیتی، اونون رسمی دولت دیلی ایستاتوسونا یوکسلمه‌سی میللی دولت‌چیلیک تاریخیمیزین ان مهم حادثه‌لرین‌دن بیریدیر. چونکی میللی وارلیغیمیزین و تاریخی کیملییمیزین اساس آتریبوتلاریندان بیری اولان آنا دیلیمیز ان یوکسک دیری قازانیب.

لاتین گرافیکالی یئنی آذربایجان الیفباسی ایله درسلیکلرین، علمی اثرلرین، لغتلر و بدیعی ادبیات نمونه‌لرینین چاپ اولوناراق استیفاده‌یه وئریلمه‌سینین، آذربایجان دیلینین گلوباللاشما شرایطینده زامانین طلبلرینه اویغون استیفاده‌سینین، اؤلکه‌ده دیلچی‌لیک آراشدیرمالارینین اساسلی صورتده یاخشیلاشدیریلماسینین تامین ائدیلمه‌سی میللی ادبی دیلین داها دا زنگینلشمه‌سی ایله یاناشی، دیلچیلیین اساسلی انکیشافی باخیمیندان دا اهمیتلی اولوب. بوتون بو سندلر و بو استیقامت‌ده گؤرولن ایشلر آنا دیلیمیزین انکیشافینا اؤلکه باشچی‌سی طرفیندن گؤستریلن بؤیوک قایغی و دقتین تظاهرودور.