ایران حکومتی «خاریج‌ده‌کی ایران‌لیلارا دستک» آدلی قانون لایحه‌سینی قبول ائدیب.

Axar.az خبر وئریر کی، بو حاق‌دا ایران مئدیاسی معلومات یاییب.

قانون لایحه‌سینه گؤره، حکومت آلتی آی عرضین‌ده خاریج‌ده یاشایان بوتون ایران‌لیلارین هرطرف‌لی معلومات بازاسینی حاضرلامالی و هر ایل پارلامنتین ملی تهلوکه‌سیزلیک کمیسیاسینا اونلارین استاتوسو حاقین‌دا حسابات تقدیم ائتمه‌لیدیر.

قید ائدک کی، اؤتن هفته ایران پرزیدنتی مسعود پزشکیان حکومت عضولری ایله گؤروشونده خاریج‌ده یاشایان ایران‌لیلارین اؤلکه‌یه قاییتماسی اوچون شرایط یارادیلماسینی ایسته‌ییب.

بیر مدت اول یاییلان خبرلره گؤره ایسه، ایران خاریجی ایشلر و کشفیات و تهلوکه‌سیزلیک ناظرلیینده (اطلاعات) خاریجده یاشایان ایران‌لی مخالفلرله باغلی اولان بؤلمه‌لر یئنی‌دن فعاللاشدیریلیب.

ایکی ناظرلیین تابعلیین‌ده اولان بؤلمه‌لر مختلف اؤلکه‌لرده یاشایان مخالفلره ایران پاسپورتلارینین و اؤلکه‌یه گئت-گللرینین برپاسی استقامتین‌ده یاردیم ائتمک اوچون موافق اؤلکه‌لرده‌کی سفیرلیک و کونسوللوقلارا گؤستریشلر وئریلیب.