ایران تهلوکهسیزلیک مأمورلارینین حبس ائتدیی بریتانییالی جوتلوک کریگ و لیندسی فورمن تهراندا محکمه قارشیسینا چیخاریلیبلار.
Axar.az خبر وئریر کی، بو حاقدا "اسکای نیوز" معلومات یاییب.
بیلدیریلیب کی، جوتلوک گؤزلنیلمهدن و اولجهدن خبر وئریلمهدن محکمه قارشیسینا چیخاریلیب.
اونلارین محاکمه پروسسی و بارهلرینده چیخاریلان قرار بارهده معلومات الده ائتمک ممکن اولماییب.
بریتانییانین خاریجی ایشلر ناظرلییی مسئله ایله باغلی بیانات یاییب:
"ایکی بریتانییا وطنداشینین ایراندا جاسوسلوقدا اتهام اولونماسی ایله باغلی خبرلردن درین ناراحاتیق. بیز بونونلا باغلی بیرباشا ایران حاکمیتی قارشیسیندا مسئله قالدیرمیشیق و کونسوللوق خیدمتلری گؤسترمهیه و اونلارین عائلهلری ایله سیخ علاقه ساخلاماغا داوام ائدیریک".
قید ائدک کی، موتوسیکلتله دنیا تورونا چیخان کریگ و لیندسی فورمن جاری ایلین یانوار آییندا ایرانین کرمان ایالتیندن کئچدیکلری واخت ساخلانیلیبلار.