۱۵ سنتیابر – بیلیک گونو مناسیبتیله ۳۳ ایللیک فاصیله‌دن سونرا، کلبجرده ایلک درس زنگی چالینیب.

Axar.az خبر وئریر کی، شهرده اشغال دوورون‌دن سونرا انشاع اولونان ایلک تدریس اوجاغی مودول تیپلی بینادا فعالیته باشلاییب.

بینا مکتبلیلرین تحصیللرینی داوام ائتدیرمه‌لری اوچون موقتی اولاراق تشکیل ائدیلیب.

کلبجر شهرین‌ده ۲،۲۴ هئکتار اراضی‌ده معاصر تحصیل کومپلئکسی‌نین انشاعسی داوام ائدیر. کومپلئکس‌ده ۵۲۸ شاگیرد اوچون عمموم‌تحصیل اورتا مکتب، ۸۰ یئرلیک اوشاق باغچاسی، ۷ پئشه تحصیلی اوچون اعمالاتخانا و ۷۰ یئرلیک یاتاقخانا نظرده توتولوب.

تحصیل کومپلئکسی‌نین ۲۰۲۶-جی ایلده استفاده‌یه وئریلمه‌سی نظرده توتولور.

مکتب‌ده بیلیک گونو مناسیبتیله تشکیل اولونان تدبیرده قید ائدیلیب کی، ۳۲ ایل مجبوری کؤچکونلویون آغیر سیناقلارینی یاشامیش سویداشلاریمیز بو گون غالیبیتین بهره‌سینی گؤره‌رک دوغما تورپاقلارین‌دا حیاتین یئنیدن برقرار اولماسینا شاهیدلیک ائدیرلر.