آذربایجان وطنداشی ایران خسته‌خاناسین‌دا کمکسیز وضعیت‌ده قالیب.

Axar.az خبر وئریر کی، بو باره‌ده سالیان رایون ساکنی میرزه شاهسواروو بیلدیریب.

او قید ائدیب کی، خسته‌خانانین پولونو اؤد‌یه بیلمه‌دیی اوچون اونو ائوه بوراخمیرلار.

"من دؤرد ایلدیر، بؤیرک چاتیشمازلیغیندان اذیت چکیرم. یانیما اینه ووردولار، او دا چیرک ائله‌دی. باشلادی اتیم چورومه‌یه. سونرا من تهرانا، "شمس" خسته‌خاناسینا گلدیم. ۱۴ دفعه عملیات اولوندوم. عملیات چوخ گؤزل، اوغورلو حیاتا کئچ‌دی. آخیردا گئتدیم حسابی اؤد‌مه‌یه، منه ائله مبلغ دئدیلر کی، اونو اؤد‌یه بیلمه‌دیم.

قالدیم بورادا. آرتیق بیر آیدیر کی، قالمیشام بورادا. گئت-گئده ده پول آرتیر. حاضردا سککیز مین دلار بورجوم وار"، - دئیه او بیلدیریب.