اورمییا گؤلونون قوروماسی و باش وئرن قوراقلیق بؤلگه‌نین وحشی طبیعتینین محو اولماسی تهلوکه‌سینی یارادیب.

Axar.az خبر وئریر کی، بونو اورمییا گؤلو میللی پارکینین باش‌چی‌سی بئهزاد شیرپه‌نجه دئییب.

"کابودان، ایسپیر، آرزو و آشک آدالاری اورمیا گؤلونون ان واجیب وحشی طبیعت یاشاییش یئرلریدیرلر و بو آدالارین سو احتیاطلاریندا و بیتکی اؤرتویونده‌کی هر هانسی بیر دییشیک‌لیک اساس نؤولرین پوپولیاسییاسینا بیرباشا تأثیر گؤستریر"،- او بیلدیریب.

شیرپه‌نجه سو احتیاطلارینین توکه‌نمه‌سی نتیجه‌سینده خصوصاً قوچ، ساری مارال و بعضی سو قوشلارینین داها چوخ محو اولما تهلوکه‌سی ایله اوزلشدیکلری حاق‌دا خبردارلیق ائدیب.

قید ائدک کی، بیر نئچه ایل اوله کیمی اورمیا گؤلو اطرافی و گؤلده‌کی آدالاردا ساری ماراللارین سایی مینلرله اولوب.

گؤلون قوروماسی نتیجه‌سینده ماراللارین سایی گئتدیکجه آزالاراق ۲۰۲۳-جو ایلده ۶۰-آ، بو ایل ایسه ۱۸-ا دوشوب.