شرقی آذربایجان ایالتینین رادیو و تلویزیا وریلیشلری شیرکتینین باشچی‌سی اکبر رضایی وظیفه‌سیندن آزاد ائدیلیب.

Axar.az خبر وئریر کی، بو حاق‌دا یئرلی مئدیا معلومات یاییب.

معلوماتا گؤره، رضایینین یئرینه ایوب نصیری تعیین اولونوب.

نصیری بوندان اول پرزیدنت تدقیقاتلاری و سندلری باش دیرکتورو وظیفه‌سینده چالیشیب.

قید ائدک کی، اکبر رضایینین ایشده‌ن چیخاریلماسی آذربایجانلیلارین اونا قارشی کامپانییا باشلاتمالاریندان ایکی هفته سونرا باش وئریب.

رضایی بیر مدت اول کئچیریلن اجلاس‌دا آذربایجان رقصی و مدنیتی ایله باغلی خوشاگلمز افاده‌لر ایشلدیب، بونون آذربایجانا عاید اولمادیغینی ادعا ائدیب.

اونون بو چیخیشیندان سونرا مدنی فعاللار کامپانییا باشلادیب و اکبر رضایینین توتدوغو وظیفه‌دن آزاد ائدیلمه‌سینی طلب ائدیبلر.