ایران پرزیدنتی مسعود پزشکیان اینترنته گیریش محدودیتینین آرادان قالدیریلماسی باره‌ده گؤستریش وئریب.

Axar.az خبر وئریر کی، او، بو باره‌ده صدرلییی ایله کئچیریلن ناظرلر کابینتینین اجلاسین‌دا دئییب.

«اونلاین تجارتی آسانلاشدیرماق و کومونیکاسیا محدودیتینی آرادان قالدیرماق اوچون ایران تهلوکه‌سیزلیک شوراسینین کاتیبی علی لاریجانی‌یه ممکن قدر تئز اینترنته گیریشی برپا ائتمیی توصیه ائتدیم»، – پزشکیان بیلدیریب.

بوندان علاوه، او، اؤتن ایلین سونون‌دان اؤلکه‌نی بورویه‌ن اعتراضلاردا ساخلانیلان اشتراک‌چیلارین ایشلرینه خصوصی دقت و عدالتله باخیلماسینا چاغیریب.

«سون حادثه‌لرله باغلی ساخلانیلان شخصلرین ایشلرین‌ده ماکسیموم دقیق‌لیک و عدالت اوستونلوک تشکیل ائتمه‌لی‌دیر، قتللرده و زوراکی عمللرده گناهکار اولان باشچیلار و تقصیرلیلر ان کیچیک گذشت اولمادان موافق محکمه اورگانلاری قارشیسینا چیخمالیدیرلار»، – پزشکیان قید ائدیب.