آمریکانین مالیه ناظری سکوت بسنت داووس اقتصادی فورومو چرچیوه‌سینده چیخیشی زمانی آمریکا سانکسیالارینین ایرانین اقتصادی دورومونا جدی ضربه ووردوغونو بیلدیریب.

Axar.az خبر وئریر کی، بو باره‌ده» ایران اینترنشنال» معلومات وئریب.

اونون سؤزلرینه گؤره، واشینگتونون ماکسیموم تضییق سیاستی تهرانین مالیه سیستمینی ضعیفلدیب و اؤلکه‌ده درین اقتصادی بحران یارادیب.

آمریکا رسمی‌سی دونالد ترامپ آدمینیستراسییاسینین سیاستینین نتیجه‌سی اولاراق «آینده» بانکینین ایفلاسینی نمونه گؤستریب.

ناظرین سؤزلرینه گؤره، بانکین چؤکوشوندن سونرا ایران مرکزی بانکی پول چاپ ائتمه‌یه باشلاییب، اؤلکه‌ده جدی دلار چاتیشمازلیغی یارانیب.

«بو، دولت سوییه‌سینده اقتصادی فلاکتدیر. آمریکا طرفیندن بیر گوله بئله آتیلماییب، آنجاق نتیجه گؤز قاباغیندادیر. پروسسلر بیزیم اوچون چوخ مثبت استقامت‌ده گئدیر. بیز سیاستیمیزی بیر دفعه ده اولسون آتش آچمادان حیاتا کئچیردیک»، – دئیه بسنت بیلدیریب.

قید ائدک کی، بسنت هله اؤتن ایل سانکسیالارین تأثیرینی وورغولایاراق «اگر ایرانلی اولسایدیم، پولومو بانکدان چیخاراردیم»، دئییب.