تانینمیش تبریزلی داغچی ابولفضل گؤزلی نپالین ماکالو زیروه‌سینده ایتکین دوشوب.

Axar.az خبر وئریر کی، بو باره‌ده ایدمان مئدیاسی معلومات یاییب.

معلوماتا گؤره، او، اؤتن هفته ۴ نفرلیک هیئت ترکیبین‌ده چتین قیش دیرمانیشیندان سونرا ۸۴۸۱ متر هوندورلویو اولان ماکالو زیروه‌سینه قالخیب.

ابولفضل گؤزلینین نپال‌لی بلدچیسی زیروه‌دن قاییدان زمان اوچورومدان ییخیلدیغی اوچون باشقا ایکی بلدچی اونو آختارماغا گئدیبلر.

بلدچینین نئچه یوز متر آشاغی یووارلاناراق اؤلدویونو گؤره‌ندن سونرا اونلار گئری قاییتدیقلاری زمان تبریزلی ایدمانچینی تاپا بیلمه‌ییبلر.

حادثه‌نین اوستوندن ۶ گون کئچمه‌سینه باخمایاراق ابولفضل گؤزلی‌نین خلاص ائدیلمه‌سی اوچون باشلادیلان آختاریشلار نتیجه‌سیز قالیب.

قید ائدک کی، تبریزین "ک۲" آلپینیزم کلوبونون باشچی‌سی اولان گؤزلی دنیانین ۷ مین متردن هودور ۱۰ زیروه‌سینه دیرماندیغی اوچون بین‌الخالق "قار قاپلانی" درجه‌سینی آلیب.