آذربایجانین مدافعه ناظیری گنرال-پولکوونیک ذاکیر حسنوو آذربایجان‌دا سفرده اولان ایرانین مدافعه و سلاح‌لی قوه‌لره دستک ناظیری بریقادا گنرالی عزیز نصرزادنین رهبرلیک ائتدیی نماینده هیئتی ایله گؤروشوب.

بو باره‌ده Axar.az-آ مدافعه ناظیرلیین‌دن معلومات وئریلیب.

اولجه قوناقلار شهیدلر خیابانین‌دا اؤلکه‌میزین مستقللیی، اراضی بوتؤولویو و سووئرنلیی اوغرون‌دا شهید اولموش وطنداشلاریمیزین مزارلارینی زیارت ائد‌رک خاطره‌لرینه احترام نماییش ائتدیریبلر. "ابدی مشعل" عابده‌سینین اؤنونه اکلیل قویولوب.

مدافعه ناظیرلیین‌ده تشکیل ائدیله‌ن رسمی قارشیلانما مراسمی زمانی فخری قاروول دسته‌سینین اؤنوندن کئچیددن سونرا هر ایکی اؤلکه‌نین دولت هیمنلری سسلندیریلیب و پروتوکولا اویغون اولاراق "شرف کتابی" امضالانیب.

گنرال-پولکوونیک حسنوو آذربایجانلا ایران آراسین‌داکی علاقه‌لرین چوخ‌عصرلیک زنگین تاریخه مالک اولدوغونو قید ائدیب، قارشی‌لیقلی سفرلر چرچیوه‌سینده باش توتان گؤروشلرین و بیرگه تعلیملرین بو علاقه‌لرین داها دا درینلشمه‌سینه تحفه وئردیینی وورغولاییب.

بریقادا گنرالی نصیرزاده اؤلکه‌لریمیز آراسین‌دا دوستلوق و قارداشلیق مناسبتلری اوزرینده قورولان امکداشلیغین دیگر ساحه‌لرده اولدوغو کیمی، حربی ساحه‌ده داها دا انکشاف ائتدیریلمه‌سینین مهم اهمیت کسب ائتدیینی قید ائدیب.

گؤروشده حربی، حربی-تکنیکی، حربی تحصیل و علم ساحه‌لرینده علاقه‌لرین جاری وضعیتی، ائلجه ده انکشاف پرسپکتیولری مذاکره ائدیلیب.

طرفلر، همچینین رگیونال تهلوکه‌سیزلیک و قارشی‌لیقلی ماراق دوغوران بیر سیرا دیگر مسئله‌لره دایر اطرافلی فکر مبادله‌سی آپاریبلار.