ایران‌دا سون بیر نئچه گون عرضین‌ده اصلاحاتچی سیاسی فعاللارا قارشی حبسلرین داوامین‌دا ایران پارلامنتینین کئچمیش صدری مهدی کروبی‌نین اوغلو حسین کروبی ده ساخلانیلیب.

Axar.az خبر وئریر کی، بو باره‌ده یئرلی مئدیا معلومات یاییب.

معلوماتا گؤره، محکمه‌یه چاغیریلان کروبی اورادان چیخدیقدان سونرا تهلوکه‌سیزلیک مأمورلاری طرفیندن حبس ائدیله‌رک نامعلوم یئره آپاریلیب.

بونون بیر نئچه گون اول اونون آتاسی مهدی کروبی‌نین حکومتین رپرسیالارینا قارشی یایدیغی بیاناتلا باغلی اولدوغو بیلدیریلیب.

رسمی مئدیا بیاناتی "تخریباتچی" آدلاندیریب و اونو حسین کروبی‌نین حاضرلادیغینی یازیب.

قید ائدک کی، ایکی گون اول ده تانینمیش اصلاحاتچی سیاسی فعاللار، ایران اسلام خالق بیرلیینین باش کاتیبی آذر منصوری، اصلاحاتچی سیاسی فعال و کئچمیش دیپلمات ابراهیم عسگرزاده و پرزیدنت محمد خاتمی‌نین دؤرون‌ده خارجی ایشلر ناظرینین کئچمیش معاونی اولموش محسن امین‌زاده ده حبس ائدیلیب.