آمریکانین ویتسه‌پرزیدنتی جیمس دیوید ونس فورالین ۱۲-ده باکی‌یا سفری زمانی رسمی پروگرام‌دان کنارا چیخیب.

Axar.az خبر وئریر کی، ویتسه-پرزیدنت رسمی گؤروشلری باشا چاتدیردیقدان سونرا هوا لیمانینا یوللانارکن سوراخانی آتشگاه معبدینی زیارت ائدیب.

بیلدیریر کی، بو قرار ویتسه‌پرزیدنتین هیندیستان اصیل‌لی خانمی اوشا ونسین شخصی ایستیی ایله وئریلیب.

باشقا بیر معلوماتا گؤره، همین زیارت‌ده ویتسه-پرزیدنت اؤزو اولماییب، تکجه حیات یولداشی گئدیب. بو زیارت تصادفی دئییل.

تاریخی منبع‌لره گؤره، اساسی ارکه‌ن اورتا عصرلره گئدیب چیخان سوراخانی آتشگاهینین بوگونکو داش کومپلکسی ۱۸-جی عصرده اساساً هیندیستان‌دان گلمیش هیند تاجیرلری و زوارلار طرفین‌دن انشا ائتدیریلیب. مبدین دیوارلاریندا بو گون ده سانسکریت و قدیم هیند دیللرینده یازیلمیش کتابه‌لر قورونور. همین یازیلار عبادت ائد‌نلرین مولتان و پنجاب بؤلگه‌لریندن گلمیش هیند تاجرلری اولدوغونو گؤستریر.

او دورده باکی مهم تجارت مرکزی ایدی و طبیعی گاز چیخان آتشگاه اراضی‌سی هیند اینانجلاریندا مقدس ساییلیردی. اود کولتورو هم زردشتی‌لیک‌ده، هم ده هیندویزم عنعنه‌سینده خصوصی یئر توتدوغوندان آتشگاه عصرلر بویو هیندیستانلا قفقاز آراسین‌دا نادر دینی–مدنی کؤرپو رولونو اویناییب.

محض بو تاریخی باغلارا گؤره هیندیستان کؤکلری اولان ویتسه-پرزیدنت خانیمینین آتشگاهی خصوصی اولاراق گؤرمک ایستدیی بیلدیریلیر.