یانوار اعتراضلاری زمانی حبس اولونان تبریزلی فعال رضا تقی‌زاده اوتادی‌نین هارادا ساخلانیلماسی و وضعیتی باره‌ده عائله‌سینه معلومات وئریلمیر.

Axar.az خبر وئریر کی، بو باره‌ده انسان حاقلاری تشکیلاتلاری فعالین عائله‌سینه استنادا معلومات یاییب.

"تهلوکه‌سیزلیک مأمورلاری یانوارین ۹-دا ر . تقی‌زاده‌نین ائوینه هجوم ائد‌رک اونو حبس ائدیب، ائوین‌ده آختاریش آپاریب و اونا مخصوص شخصی اشیالاری مصادیره ائدیبلر"،- معلوماتدا بیلدیریلیب.

حبس زمانی فعالین دؤیولدویو و آغیر بدن خسارتلری آلماسینا باخمایاراق قاندال‌لاناراق آپاریلدیغی قید اولونوب.

رضا تقی‌زاده اوتادینین عائله‌سی اونون وضعیتی حاقین‌دا بو گونه کیمی هئچ بیر معلومات آلا بلمدیکلرینی و حیات‌دا اولوب-اولماماسین‌دان ناراحات اولدوقلارینی سؤیله‌ییبلر:

"علاقه‌دار دولت قوروملاری و تهلوکه‌سیزلیک اورگانلارینا مراجعتلریمیز جواب‌سیز قالیب. سون دفعه علاقه‌دار دولت قوروملارینا مراجعتیمیز زمانی رضانین اتهامی باره‌ده آچیقلاما وئرمه‌دن اونون باره‌سینده اعدام حکمونون چیخاریلاجاغینی بیلدیریبلر".