ایران-آمریکا-اسرائیل محاربه‌سینین شدتله‌نمه‌سی ایله عینی واخت‌دا ایران اوردوسوندا خدمت ائد‌ن آذربایجانلی حربچیلرین اوردو سیرالارینی ترک ائتمه‌لری باره‌ده خبرلر یاییلیب.

Axar.az خبر وئریر کی، بو باره‌ده یئرلی منبع‌لر معلومات یاییب.

معلوماتلارا گؤره، عائله‌لر ایران حکومتینین یانلیش سیاستلری نتیجه‌سینده باشلانان محاربه‌ده عائله عضولرینین اؤلومونون قارشی‌سینی آلماق اوچون اونلارن گئری قاییتمالارینا اسرار ائدیرلر.

خصوصاً تهران رژیمینین تورکیه و آذربایجان رسپوبلیکاسینا قارشی تجاوزکار و تهدیدآمیز بیاناتلاری و تخریباتچی عمللری آذربایجان‌لی حربچیلرین خدمت‌دن امتنا ائتمه‌لرینده اهمیتلی رول اویناییر.

بیلدیریلیب کی، ۱۱-جی ماراغا آرتیلرییا گروپوندا خدمت ائد‌ن حربچیلرین اهمیت‌لی حیصه‌سی خدمت یئرلرینی ترک ائدیبلر.

خدمت‌دن امتنا ایله باغلی اوخشار حاللارین ایرانین باشقا بؤلگه‌لرینده ده مشاهده اولوندوغو، انضباطی جزا و تدبیرلرین بونون قارشی‌سینی آلا بیلمدیی قید اولونوب.