گونئی آذربایجان ملی اویانیش حرکاتی (گاموح) آذربایجان رسپوبلیکاسینین پایتختی باکی‌دا کنفرانس کئچیریب.

Axar.az خبر وئریر کی، کنفرانس آپرئلین ۳۰-او گونورتادان سونرا تورکییه و آوسترالییادان گلن گاموح تمثیل‌چیلری آغری قاراداغلی و تاتار تورکمنین تشبوسو ایله باش توتوب.

کنفرانسدا آذربایجان رسپوبلیکاسینین سیاسی-اجتماعی خادیملری، بیر سیرا پارتییا باشچیلاری، حقوق مدافعه‌چیلری و گونئی اذربایجانلی ملی فعاللار و مهاجرلر اشتراک ائدیب.

گاموح تمثیل‌چیلری آغری قاراداغلی و تاتار تورکمن ایران-آمریکا و اسرائیل محاربه‌سیندن سونرا ایران‌دا و گونئی آذربایجان داکی وضعیت، محاربه‌نین سیاسی، اجتماعی و اقتصادی تأثیرلری باره‌ده چیخیش ائدیب، قوناقلاری معلوماتلاندیریبلار.

اوزون مدت‌دیر گونئی آذربایجان تشکیلاتلارینین هئچ بیرینین باکی‌دا تدبیر کئچیرمه‌دیکلرینه گؤره، گاموح-اون کنفرانسی خصوصی ماراقلا قارشیلاشیب.

کنفرانس هم ده عنعنه‌وی تدبیرلردن فرقلی اولاراق، مذاکره اولونان مسئله‌لرله باغلی گرگین مباحثه‌لرین اولماسی ایله دقت چکیب.