ایرانین طرفداش اؤلکه‌لری آمریکانین یئنی سرت سانکسیالارلا باغلی تهدیدلرینه کوتلوی شکلده محل قویمور. واشینگتنون «اقتصادی هجوم» تشکیل ائتمک جهدی چینین مؤوقعیی و متفیقلرین تجارت علاقه‌لرینی کسمک ایسته‌مه‌مه‌سی سببیندن ثمره‌سیز اولوب.

Axar.az خبر وئریر کی، بو باره‌ده "بلومبرگ" معلومات یاییب.

آمریکا مالیه ناظیری اسکوت بسنت محاربه‌یه سون قویماق مقصدیله تهرانا قارشی سرت اقتصادی تضییقه باشلانیلدیغینی اعلان ائد‌رک، بو پلانی ۱۹۴۴-جو ایلده نورماندییایا تاریخی دسانت چیخاریلماسی ایله مقایسه ائدیب. لاکن رگیونون اساس اویونچولاری واشینگتنون خبردارلیغینا فاکتیکی اولاراق محل قویماییبلار:

۱.ایران بانکلارینین، خصوصیله "بانک ملی"نین بیرلشمیش عرب امیرلیکلرینده‌کی فیلیاللاری فعالیتینی عادی قایدادا داوام ائتدیریر؛

۲.ایران، تورکیه، بیرلشمیش عرب امیرلیکاری، آذربایجان، روسیا و چین آراسیندا کوممرسییا اوچوشلاری اولکی قایدادا حیاتا کئچیریلیر؛

۳. پاکیستان آمریکانین بیرطرفلی محدودیتلرینه عمل ائتمک مجبوریتینده اولمادیغینی بیان ائدیب و قورو یولو ایله تجارتی داوام ائتدیریر.

آمریکا هفته‌نین سونوندا بیرلشمیش عرب امیرلیکارینده فعالیت گؤسترن مصرین "بانک مصر" بانکینین فیلیاللارینا قارشی محدودیتلر تطبیق ائتمیی پلانلاشدیردیغینی آچیقلاییب. لاکن آنالیتیکلرین فکرینجه، بو جور تدبیرلر کفایت قدر تاثیرسیزدیر.

آمریکا آدمینیستراسییاسی اوچون اساس دیلمما پکینین مؤوقعیی‌دیر. ایسته‌نیله‌ن افکتیو سانکسییا کامپانیاسی حاضردا ایران نفتینین ۹۰%-نی آلان چینه ضربه وورمالیدیر. لاکن پکین آرتیق واشینگتنا سرت خبردارلیق ائدیب و تهرانلا تیجارتدن گئری چکیلمک نیتینده دئییل.