تورکییه‌ده پرزیدنت سئچکیسین‌دن سونرا لیره‌نین مزه‌ننه‌سینین هانسی فورمادا اولاجاغی بللی دئییل.

بو سؤزلری آخار. آذ-آ آچیقلاماسیندا اقتصادچی ناتیق جعفرلی دئییب. اکسپرت بیلدیریب کی، حاضردا تورکییه‌ده میللی والیوتانین مزه‌ننه‌سینین قورونماسی بیر قدر چتین مسئله‌دیر:

«بو، ایلک دفعه دئییل. بیر نئچه آی بوندان اؤنجه توک لیره‌سینین دیردن دوشمه‌سی باش وئرمیشدی. او زامان بیر دوللار ۳،۲ لیره ایدی. آنجاق سونرادان آچیقلانان معلوماتلاردان دا گؤروندو کی، تورکییه‌ده دوللارینی لیره‌یه دییشه‌نلر چوخ اولماییب. ۱ آی عرضینده بانکلار واسطه‌سیله جمعی ۳۰۰-۴۰۰ میلیون دوللارا یاخین وسایت دییشدیریلمیشدی. ایندی ایسه تورکییه‌ده دوللار حدیندن آرتیق باهالاشیب و ۱ دوللار تقریباً ۴ لیره ۷۰ قپییه یاخین‌دیر. او اوزده‌ن تورکییه‌ده سئچکی‌دن سونراکی مزه‌ننه‌نین هانسی فورمادا اولاجاغی بللی دئییل».

اقتصادچی قئید ائدیب کی، پرزیدنت سئچکیلری ایکینجی تورا قالارسا، دوللار ۵ لیره‌نی کئچه بیلر:

«بئله بیر احتیمال وار و اونا گؤره ده اهالینین ریسکه گئدیب دوللارینی لیره‌یه دییشجیینی دوشونمورم. اولسا دا، بو، چوخ آز میقداردا اولاجاق. اصلینده، تورکییه‌ده اینسانلار نه قدر وطنپرور اولسالار دا، اقتصادی ایتکیلردن کناردا قالماق ایستییرلر. بو معنادا ان آزی ۲۴ ایونا - پرزیدنت سئچکیلرینین ایلک تورونا قدر هر هانسی جدی آددیملارین اولاجاغینی ظن ائتمیرم. چونکی گؤزلنتیلر ائله فورمالاشیب کی، ایلک توردا پرزیدنت سئچیلمه‌سه، تورک لیره‌سی چوخ جدی دیر ایتیره‌جک».

قئید ائدک کی، تورکییه پرزیدنتی رجب طییب اردوغان سون گونلر تورکییه‌ده دوللارین رکورد حده باهالاشماسی سببیله وطنداشلاری آورو و دوللاردان ایمتیناع ائتمه‌یه چاغیریب.