Axar.az
یوخاری
17 اییول 2019


موتخصصلردن تبریزین اینفراستروکتورونون محو اولماسینا دایر بیانات

آنا صحیفه توپلوم
12 Punto 14 Punto 16 Punto 18 Punto

شرقی آذربایجانین بینالار و تاریخی شهر اینفراستروکتورونون برپاسی و قورونوب ساخلانیلماسی اوزره متخصصلر آسوسیاسییاسی تبریز شهرین‌ده تاریخی اینفراستروکتورون تخریب ائدیلمه‌سینه اعتراض اولاراق بیانات یاییب.

آخار. آذ خبر وئریر کی، «تبریزین بوغازیندان ال چکین» باشلیغی ایله باشلایان بیاناتدا شرقی آذربایجان مدنی ارث تشکیلاتینین فعالیتی کسکین تنقید اولونوب.

«متخصصلرین فیکرینه گؤره، تبریزین مدنی و تاریخی اینفراستروکتورو اؤلکه و حتی دونیا اوزره ان قدیم شهر اینفراستروکتورلاریندان بیریدیر، اونون قورونوب ساخلانیلماسینین واجیب مسئله اولدوغو کیمسه‌ده شوبهه دوغورمور.

سون گونلرده تبریزین والمان محله‌سین‌ده آپاریلان قازینتیلار زامانی شهرین تاریخی اینفراستروکتورونو گؤستره‌ن اثرلره راست گلینیب. نه قدر ایناندیریجی اولماسا دا، مدنی ارث تشکیلاتینین مسئوللاری حیاتا کئچیریله‌ن لاییحه و قازینتیلار باره‌ده خبرسیز اولدوقلارینی بیلدیریب، اونلار حادثه ایله باغلی خبر توتدوق‌دان سونرا لاییحه‌نین دایاندیریلماسی باره‌ده قرار قبول ائدیب. سون ایللرده تبریزده حیاتا کئچیریله‌ن بیر چوخ تیکینتی لاییحه‌سی شهرین تاریخی اینفراستروکتورونا بؤیوک زیان ووروب.»- دئیه بیاناتین بیر حیصه‌سین‌ده قید اولونوب.

بیاناتین سونون‌دا تبریزین تاریخی اینفراستروکتورونون اولدوغو اراضی‌ده بوتون اورگانلارا عایید لاییحه‌لرین ایجراسینین دایاندیریلماسی، لاییحه‌لرین ایجراسیندان اول ایستیفاده ائتمک اوچون شهرین قدیم اینفراستروکتورونون خریطه‌سینین حاضرلانماسی، لاییحه‌لرین ایجراسینا متخصصلرین نظارت ائتمه‌سی و س. کیمی تکلیفلر ایر‌لی سوروله‌رک یئرلی صلاحیت‌لی شخصلره مراجعت اولونوب. «تبریز امام جمعه‌سی، شرقی آذربایجان والیسی، محکمه مسئوللاری و نظارت اورگانلارین‌دان خواهیش اولونور کی، ایالتین مدنی ارثینین قورونوب ساخلانیلماسی ایله باغلی یانلیش ایداره‌چیلیک و مومکون چاتیشمازلیقلارا مداخیله ائدیب، بو زمینده اوزرینه دوشن مسئولیتی یئرینه یئتیرمه‌یه‌ن شخص و یا اورگانلارا قارشی لازیمی تدبیرله آلاراق باش وئره‌ن پروبلمین بیر داها تکرار اولماماسینا شرایط یاراتسینلار.»- دئیه بیاناتین سون حیصه‌سین‌ده قید اولونوب.

تاریخ
2019.07.12 / 15:40
مولف
Axar.az
شرح لر
دیگر خبرلر

ایران‌دا ایکی میللی فعال گیروو موقابیلین‌ده سربست بوراخیل‌دی

بو فعاللارین آجلیق آکسییاسی داوام ائدیر

تورکییه وطنداش‌لیغی آلانلار آراسین‌دا ایران‌لیلار ایلک سیرادا یئر آلیر

آذربایجان‌لی فعال سهند مالی داها ۱ ایل حبس جزاسینا محکوم ائدیلدی

غربی آذربایجان ایالتینده مکتب چاتیشمامازلیغی وار

پاریس صولح کنفران‌سین‌دا قبول ائدیله‌ن آذربایجان خریطه‌سی - فوتو

تماس خطین‌ده سون دوروم

آذربایجان‌لی فعال هکیمه احمدی زین‌دان‌دا آجلیق آکسییاسینا باشلادی

ایران‌دا چؤریین قیمتینین آرتیریلماسی ایله باغلی موزاکیرللر گئدیر

شکی خان سارایین‌دا فاجعه نیه باش وئریب؟ - رسمی آچیقلاما

خبر خطّی
 
Axar.az'da reklam Bağla
Reklam
Bize yazin Bağla