تئهرانین حسن آباد میدانین‌دا یئرلشه‌ن بینالاردان بیرین‌ده گوجلو یانغین باش وئریب.

آخار. آذ یئرلی مئدیا اورقانلاری‌نین معلوماتینا ایستینادا، یانغین دونن آخشام ساعت ۹-دا، میدانین تاریخی شیمال-غرب حیسه‌سین‌ده یئرلشه‌ن بینانین ۲-جی مرتبه‌سین‌ده‌کی آنباردان باشلاییب.

سرعتله یاییلان آلوو نتیجه‌سین‌ده بینانین ۸ گونبزین‌دن ۲-سی داغیلیب. ائله‌جه ده بینانین ایچری‌سی تاماما کول اولوب. حادثه نتیجه‌سین‌ده بینانین چؤل حیسه‌سینه ده ضرر دیدییی بیلدیریلیر.

حادثه نتیجه‌سین‌ده اؤلن و یا یارالانانلار باره‌ده معلومات وئریلمیر.

بینادا ایکی بانک فیلیالی دا یئرلشیر. اونلارا هر هانسی ضررین دییب-دیمه‌دییی باره‌ده معلومات یوخ‌دور.

قئید ائتمک لازیم‌دیر کی، حسن آباد میدانی تئهرانین تاریخی حیسه‌سین‌ده یئرلشیر. بو میدان و اونون اطرافین‌دا یئرلشه‌ن گونبزلی بینالار ۱۹۲۳-جو ایلده تورک منشأ‌لی قاجارلار دؤولتی طرفین‌دن تیکیلیب، ۱۹۸۸-جی ایلده ایسه ایرانین یئرلی اهمیت‌لی تاریخی عابده‌سی کیمی قئیدیاتا آلینیب. میدانین تیکیلمه‌سین‌دن اؤنجه بو بؤلگه‌ده قاجارلار دؤولتی‌نین باش ناظری اولموش میرزه یوسیف خان آشتییانی‌یه مخصوص باغ وار ایدی. تئهرانین گئنیشلندیریلمه‌سین‌دن سونرا او، بورانی اوغلو حسنین شرفینه حسن آباد آدلاندیرمیش‌دی.