ان چوخ اؤلومجول یول قزاسی اردبیل‌ده باش وئریب.

آذنیوز. تی وی خبر وئریر کی، بو باره‌ده اردبیلین یول و نقلیات تشکیلاتینین موعاوینی مهدی مخبر اردبیل یوللارینین محافظه‌سی ایداره‌سین‌ده (راهدارخاناسین‌دا) کئچیریله‌ن ایجلاس‌دا معلومات وئریب. اونون سؤزلرینه گؤره، ۱۳۹۷-جی ایلین یایین‌دا اؤلومجول یول قزالارین‌دا اردبیل بیرینجی یئرده دایانیر.

«اردبیل ویلایتی بوتون نؤو یول قزالارینا گؤره ۶۴ فایزله ۶-جی، اؤلنلرین سایینا گؤره ۳۸،۳ فایزله بیرینجی یئرده دایانیر. ویلایت‌ده قزادان هلاک اولانلار ۲۰ – ۴۰ یاش آرالیغین‌دادیر. ماشینلارین یول‌دان چیخیب قزایا اوغراماسی ان چوخ اردبیل -مشکین، اردبیل -مغان و اردبیل-سرچم یوللارین‌دا باش وئریب. همچینین، ماشینلارین اوز-اوزه توققوشماسی اردبیل -خالخال و مورادلی-جفراباد یولون‌دا میدانا گلیب. یوللارین حادثه باش وئره‌ن یئرلرینی تعمیر ائدیلمه‌سی، دؤردطرفلی یولون تیکیلمه‌سی، بیر سیرا آبادلیق ایشلرینین آپاریلماسی، میللتین قایدا-قانونلارا عمل ائد‌رک آوتومبیلی ایداره ائتمه‌سی بو اولایلاری معین قدر آزالدار. نظارت کامرالاری، ایسپیرتلی ایچکی و نارکوتیک قبولو یوخلانیشی و س. کیمی دیگر مثبت آددیملار دا آتیلا بیلر»، دئیه، معاوین بیلدیریب.