«گلن هفته بیز ارمنستانا سرحد تهلوکه‌سیزلییی مسئله‌لری ایله مشغول اولاجاق خصوصی گروپ گؤندرجییک». بو سؤزلری آمریکا دولت کاتیبی انتونی بلینکن دئییب. دیپلماتیک دیلدن نرمال دیله ترجمه ائدک: یعنی گلن هفته آمریکا خصوصی خدمت اورگانلاری ارمنستان سرحدینده رسماً ایشله‌یه‌جک.

Axar.az خبر وئریر کی، بو سؤزلری ارمنی پولیتولوگ آرمان آبوویان آمریکا و ارمنستان آراسیندا استراتژی طرفداشلیق حاقیندا خارتییانین امضالانماسی حاق‌دا قید ائدیب.

«بو، ایرانا هجوما حاضرلاشان اؤلکه‌نین خصوصی خدمت اورگانی‌دیر. ایندی گلین بیرلیکده دوشونک کی، ایرانلیلار آمریکا حربی آگنتلرینین اونلارین سرحدینین ان مهم یئرین‌ده پیدا اولماسینا نئجه رئاکسییا وئره‌جکلر.

باشا دوشه بیلمیرم کی، ارمنستان حاکمیتی ساختا آوروپا بیرلیییی رفراندومو و آمریکا ایله «ایستراتژی خارتییا» امضالاماقلا نیه بئله پانیک فورمادا ارمنستانی انتحارا سوروکله‌مک قرارینا گلیب»، - او بیلدیریب.