آنا صحیفه توپلوم |
ایولون ۲۲-ده یئنیدن حبس ائدیلهن سیاسی محبوس افشین برزئگر جمشیدینین گیروو قویماسینا باخمایاراق، حبس مدتی ۱۵ گون داها اوزادیلیب. حاضردا او تبریز تهلوکهسیزلیک ایدارهسینین ایستینتاق تجریدخاناسیندا ساخلانیلیر.
آذنیوز. تی وی خبر وئریر کی، سیاسی محبوس افشین برزگر جمشیدی یئنیدن حبس ائدیلدیکدن بیر آی کئچمهسینه باخمایاراق تبریز تهلوکهسیزلیک ایدارهسینین ایستینتاق تجریدخاناسیندا ساخلانیلیر.
معلوماتلی منبعنین سؤزلرینه گؤره، برزگره قارشی «میللی تهلوکهسیزلییه قارشی فعالیت» اتهامی ایله ۳۰۰ میلیون تومن دیرینده گیروو معین ائدیلسه ده، اونون ساخلانما مدتی داها ۱۵ گون اوزادیلیب.
قید ائدک کی، افشین برزگر جمشیدی ایولون ۲۲-ده شرطی آزادلیغا بوراخیلدیقدان ۱۸ گون سونرا تبریز تهلوکهسیزلیک ایدارهسینین امکداشلاری طرفیندن ایش یئرینده ساخلانیلیب. اونون ساخلانیلماسی ایله عینی واختدا، آدیچکیلهن ایدارهنین داها بیر قروپ امکداشی اونون ائوینه گئدهرک ایجازهسیر آختاریش آپاراراق، مبیل تلفنونو، کامپوترینی و بعضی شخصی اشیالارینی و سندلرینی اؤزلری ایله آپاریبلار.
برزگر جمشیدی تخمیناً ۸ آیلیق حبس جزاسینین تخمیناً ۲.۵ آیینی چکدیکدن سونرا تبریز حبسخاناسیندان شرطی اولاراق آزاد ائدیلمیشدی.
تاریخ
2019.08.23 / 22:19
|
مولف
Axar.az
|