ایرانین لوندون‌داکی سفیری حمید بیدی نژاد سنتیابرین ۱۰-دا بریتانییانین خاریجی ایشلر ناظیرلیینه چاغیریلیب.

آخار. آذ خبر وئریر کی، بریتانییانین خاریجی ایشلر ناظیرلیینه چاغیریلان ایران سفیرینه رسمی تهرانین «آدریان دریا ۱» (کئچمیش گراس ۱) نفت تانکرینین یوکو ایله باغلی آتدیغی آددیملاری پیسلنیلیب، ایران‌دان بو باره‌ده ایزاحات وئرمه‌سی طلب ائدیلیب.

یاییلان معلوماتا اساساً، بریتانییا طرفی ایران سفیرینه بیلدیریب کی، ایرانین گمینین داشیدیغی یوکو ایله باغلی قراری قبول ائدیلمزدیر و تهرانین بو کیمی عمللری بین الخالق قانونلارا قارشی ضد آددیم‌دیر. رسمی لوندون بیلدیریب کی، ایرانین «آدریان دریا ۱» تانکرینی سورییایا گؤندرمه‌سی و اونون داشیدیغی نفتی همین اؤلکه‌ده بوشالتماسی رسمی تهرانین بو باره‌ده اوزرینه گؤتوردویو عهده‌لیکلرینه ضیددیر و بریتانییا جاری آیدا بو مسئله نی ب ام ت-ده قالدیراجاق.