آنا صحیفه توپلوم |
ایراندا منزیل سکتوروندا اینفلیاسییا ۳۰۰ فایزه یاخیندیر.
بو سؤزلری بودجه و محاسیباتلیق کمیسییاسینین عضوو، ماریوان و سروآبادین میللت وکیلی منصور مرادی دئییب. او، سون ایکی ایلده منزیل سکتوروندا تخمیناً ۳۰۰ فایز اینفلیاسییا اولدوغونو آچیقلاییب:
«بو ایپی قیریلمیش باهالیق بازاری گئریلهمهیه و گنج جوتلوکلرین آرتیق ائو آلا بیلمهمهلرینه سبب اولوب. حکومت و یول ناظیرلیینین منزیل ایستحصالی ساحهسینده ائتدیی حرکتلر مثبت اولماییب. ناظرلیک سون آلتی ایلده هئچ بیر اؤزل تدبیری قاباغا آپارا بیلمهییب. منزیل بازاریندا سون ایکی ایلده ۲۰۰-۳۰۰% اینفلیاسییا یاشانیب. مؤوجود وضعیتده یوخسوللار و اورتا صینیفلر منزیل آلا بیلمیرلر. بو، کیرایه منزیل آمارینین آرتماسینا سبب اولوب. حکومت و یول و شهر اینکیشاف ناظرلیگی بو گون منزیل لاییحهلرینی حیاتا کئچیرمک اوچون مادی ایمکانلارا مالیک دئییل. حکومت بو یاخینلاردا کوتلوی منزیل ایستحصالی اوچون پروگراملار حاضرلادی، لاکین بو پروگراملارین اکثریتی هله ده کاغیذ اوزرینده قالیب»، – ماریوان و سروآباد میللت وکیلی، حکومتین فعالیتینی تنقید ائدرک بیلدیریب.
تاریخ
2019.10.11 / 15:40
|
مولف
Axar.az
|