آنا صحیفه توپلوم |
شرقی آذربایجاندا سون ۲۴ ساعت عرضینده یول قزالاری زامانی ۴ نفر اؤلوب، ۶ نفر یارالانیب.
بو بارهده شرقی آذربایجانین تجیلی (اورژانس)سؤزچوسو وحید شادینییا ژورنالیستلره دانیشارکهن بیلدیریب.
او بیلدیریب کی، یول قزالاری تبریزین کسایی اوتوبانیندا، مرند-خوی جاددهسینده و اهر ۳ یولوندا باش وئریب. تبریزین کسایی اوتوبانیندا باش وئرهن قزا «زانتییا» ماشینینین ۲ پیادایا چارپماسی ایله اورتایا چیخیب. حادثهده ۱ نفر اولای یئرینده حیاتینی ایتیریب. یارالانان پیادا ایسه تبریزین ایمام رضا خستخاناسینا کؤچورولوب.
مرند-خوی یولوندا باش وئرهن قزا ایسه کؤشسرا یاخینلیغیندا یوک ماشینی ایله «وانئت»این توقوشماسی نتیجهسینده میدانا گلیب.
حادثه نتیجهسینده ۲ نفر اؤلوب، ۱ نفر یارالانیب. یارالی مرندین کوهکمر خستخاناسینا کؤچورولوب.
دیگر حادثه ایسه اهر اوچ یولوندا بیر نئچه ماشینین توققوشماسی ایله اورتایا چیخیب. حادثه نتیجهسینده ۱ نفر یئریندهجه حیاتینی ایتیریب، ۴ نفر یارالانیب. یارالیلار تبریزین ایمام رضا خستخاناسینا چاتدیریلیب.
تاریخ
2019.10.16 / 17:15
|
مولف
Axar.az
|