تبریزلی سیاسی مهاجیر علیرزا امانبی‌لی بو گون سحر ساعتلارین‌دا قفلتا وفات ائدیب.

علیرزا امانبی‌لی محمد رحیم اوغلو ۲۱ مارت ۱۹۶۶-جی ایلده ایرانین تبریز شهرین‌ده آنادان اولوب، اورتا تحصیلینی همین شهرده بیتیردیک‌دن سونرا ۱۹۸۶-۱۹۸۸-جی ایلده حربی خیدمت‌ده (ایران-عراق) محاربه‌سین‌ده اولوب. ۱۹۸۹-جو ایلده سووئت حاکمیتی داغیلان زامان و بو حادثه‌لردن ده چوخ قاباق ایران‌دا آذربایجان‌لیلارین میللی آزادلیقی یولون‌دا سیاسی ،مدنی و اجتماعی فعالیت گؤستریب. شیمالی آذربایجان‌دا باشلایان میللی آزدلیق حرکاتین‌دا (سرحد حرکاتی) یاخین‌دان ایشتیراک ائتمک اوچون ۱۹۸۹-جو ایلده‌ن ۱۹۹۳-جو ایله قدر دفعه‌لرله قاچاق اولاراق آذربایجان رسپوبلیکاسین‌دا اولوب اورادا گئدن پروسئسلرده یاخین‌دان ایشتیراک ائدیب.

قاراباغ محاربه‌سی زامانی گونئی آذربایجان‌دان قاراباغ‌دا یارالنان سویداشلاریمیزا طبی یاردیملار و درمانلار تشکیل ائد‌رک دؤیوش بؤلگه‌لرینه و باکیداکی حربی خسته خانالارا چاتدیریب. قاراباغ دویوشلرین‌ده یارالانان ۲۰۰ نفره یاخین عسگرلرین تبریز و تهران خسته خانالارین‌دا دوکتور جواد هئییتین نظارتی آلتین‌دا معالیجه‌لرینی تشکیل ائتمیش‌دیر. ۱۹۹۰-۱۹۹۱-جی ایلرده ناخجیوان روس و ارمنی سلاح‌لیلاری طرفین‌دن حربی و اقتصادی بلاکادایا آلینان زامان تبریزده ناخجیوانا ایستی‌لیک سوبالاری و یاناجاق یاردیملاری تشکیل ائد‌رک قاچاق یولا کئچیرمیشدیر.

ایران رژیمینین ایشغال‌چی ارمنیلره مادی و معنوی دستیینه قارشی تبریزده و باشقا شهرلرده اعتراض آکسییالاری تشکیل ائتدیینه و آذربایجان رسپوبلیکاسین‌دان ایرانا گلن سویداشلاریمیزلا یاخین علاقه‌لر یاراتدیقینا گؤره ایرانین تهلوکه‌سیزلیک مأمورلاری طرفین‌دن دفعه‌لرله حبس ائدیله‌رک آغیر ایشگه‌نجه و تضیقلره معروض قالیب. ایران اینقیلاب محکمه‌سی اونو آذربایجان و تورکییه دؤولتینه جاسوسلوق‌دا ایتیهاملاری ائدرک اونا قارشی آغیر ایتیهاملار ایر‌لی سورولوب. لاکین همین ایتیهاملاری ثبوت ائد‌ن توتارلی فاکتلار اولمادیقین‌دان سونونجو دفعه علیرزا امانبی‌لی ۱۹۹۳-جو ایلین سونلارین‌دا یئکون محکمه‌یه قدر ملکی گیروو مقاویلین‌ده موقتی آزادلیقا بوراخیلسادا یئنه‌ده رژیمین تهلوکه‌سیزلیک مأمورلاری طرفین‌دن تعقیب و تضیقلره معروض قالیغی اوچون موستقیل آذربایجان رسپوبلیکاسینا پناه آپاریب . اوزون ایللر تبریزده آذربایجان میللی موسیقی‌سینی (خواننده‌لیک) ائتمکله تبلیغ ائد‌ن ا. امانبی‌لی ۱۹۹۴-جو ایل مرحوم حیدر علیئوین گؤستریشی ایله آذربایجان دؤولتی حسابینا تحصیل آلماق اجازه‌سی آلیب.

همین ایل باکی موسیقی آکادمییاسینین مغام فاکولته‌سینه (خواننده) داخیل اولوب ۲۰۰۰-جی ایلده آلی تحصیلی‌نی بیتیریب. موسیقی فعالیتین‌ده ۲۰۰۰-جی ایل موغام موسابیقه‌سینین لاوریاتی، ۲۰۰۳-جی ایل سرحد قوشونلارینین مارشینی یازدیقینا گؤره فخری فرمانا لاییق گؤرونوب بیر چوخ وطنپرور ماهنیلارین مولیفی و ماهیر ایفاچی‌سی‌دیر. بونلارلا یاناشی آذربایجانین دؤولت موستقیللیینین قورونوب ساخلانیلماسی و اینکیشاف ائتمه‌سی مقصدیله آذربایجانین میللی منافعینی اوستون توتان داخیل‌ده و خاریج‌ده فعالیت گؤستره‌ن سیاسی، اجتماعی و دیاسپور تشکیلاتلارلا سیخ امکداش‌لیق ائد‌رک الیندن گلنی اسیرگه‌مه‌ییب او، ۱۹۸۳-جی ایلده گونئی آذربایجان قورتولوش تشکیلاتینین مرکزی کمیته‌سینین عضوو اواوب

الله رحمت ائلسین.