مسلمان شرقین‌ده دینی آدلارین اوشاقلارا وئریلمه‌سی چوخ گنیش یاییلیب. بو هم مقدس شخصلره احتیرام حساب اولونور، هم ده بئله دوشونولور کی، بو جور آدلارین داشیییجیلاری همین آدلارین صاحبلرینین حمایه‌سین‌ده اولاجاقلار.

آخار. آذ خبر وئریر کی، بعضی اینانج‌لی اینسانلار یئنی دوغولان اوشاقلار اوچون «قران» آچدیریر، اورادا قارشی‌سینا ایلک چیخان سؤزو و یا آدی سئچیرلر. بس، «قران»دا قید اولونموش بوتون آدلاری اوشاقلارا قویماق اولارمی؟!

اولا اونو قید ائدک کی، اینسانا قویولان آد هم بو دونیادا، هم ده آخیرتده کئچرلی‌دیر. محمد پیغمبر (س.ا.v.) گؤزل آدلار قویماغین اؤنمینی بئله ایضاح ائدیب:

«سیز قیامت گونونده اؤزونوزون و آتا-آنانیزین آدلاری ایله چاغیریلاجاقسینیز. اونا گؤره ده اؤولادلارینیزا گؤزل آدلار قویون».

اونا گؤره ده ساده‌جه بو آد "قران"دا مؤوجوددور، دئیه اوشاقلارا وئریلمه‌مه‌لیدیر. اولجه او آدلارین معناسی آراشدیریلمالی، اویغون اولوب-اولمادیغینا قرار وئریلمه‌لی‌دیر. مثلاً، «قران»دا مؤوجود اولان و حاضردا شرق‌ده چوخ یاییلمیش سنه‌م آدی «بوت» دئمکدیر. تورکییه‌ده پوپولیار آد اولان آلئینا آدی «بلا، سیخینتی» معناسین‌دادیر. داها بیر تورک آدی کزبان «یالانچی» آنلامینا گلیر. یعنی قیز اؤولادینا کزبان آدی قویان والیدین اونون هر ایکی دونیادا دایم «یالانچی» دئیه چاغیریلماسینا ایمکان یارادیر. بیزده بو آد توکزبان اولاراق قویولور. «قران»دا بو سؤز بئله‌دیر: توکززیبان - معناسی «سیز یالان دانیشیرسیز، یالانچی‌سیز».

هارون آدی - هارین سؤزون‌دن‌دیر. رومئی‌سا ایسه گؤزو خسته، ضعیف اولان دئمک‌دیر.