آنا صحیفه توپلوم |
آذربایجان رسپوبلیکاسینین پرزیدنتی ایلهام علیئوین تاپشیریغی ایله فئورالین ۲۴-ده دؤولت سرحد خیدمتینین (دسخ)، دؤولت گمروک کمیتهسینین، داخیلی ایشلر، فؤوق العاده حاللار، ثحییه ناظرلیکلرینین، دؤولت تهلوکهسیزلیگی خیدمتینین، قیدا تهلوکهسیزلیگی آگئنتلیینین رهبر وظیفهلی شخصلری و متخصصلر ایران ایسلام رسپوبلیکاسی ایله دؤولت سرحدیندهکی «آستارا» و «بیلسووار» بوراخیلیش منطقهلرینه سفر ائدیبلر.
دؤولت سرحد خیدمتینین مطبوعات مرکزیندن آخار. آذ-آ بیلدیریبلر کی، سفر چرچیوهسینده سون واختلار ایران ایسلام رسپوبلیکاسیندا مشاهیده اولونان کوروناویروس اپیدمییاسینا قارشی دؤولت سرحدیندن بوراخیلیش منطقهلرینده حیاتا کئچیریلن قاباقلاییجی تدبیرلرین گوجلندیریلمهسی، بو خستهلییه یولوخمالارینا شوبهه یارانان شخصلرین واختیندا آشکارلانماسی و طبی تخلییهسی اوزره حاضیرلیغین وضعیتی نظردن کئچیریلیب.
گوجلندیریلمیش ایش رژیمینده فعالیت گؤسترهن دؤولت سرحدیندن بوراخیلیش منطقهلرینده اؤلکه اراضیسینه داخیل اولان شخصلرین بدن حرارتینین خصوصی آوادانلیق واسطهسیله یوخلانیلماسی، علاوه طبی هئیتین و تعجیلی طبی یاردیم آوتومبیللرینین بیرباشا پوستلارین اراضیسینه جلب اولونماسی و ۲۴ ساعت نؤوبهلی رژیمده فاصیلهسیز فعالیت گؤسترمهلری ایله باغلی مونیتورینق کئچیریلیب.
مذاکیرهلر زامانی بو گوندک خستهلییه یولوخما ایله باغلی شوبههلرین اولماماسی نظره آلینماقلا گلهجکده احتیمال ائدیلهن ریسکلی حاللاردا بیرگه فعالیتین علاقلندیریلمهسی مسئلهلری اوزره فیکیر مبادیلهسی آپاریلیب. همچینین دؤولت سرحدیندن کئچن شخصلرین بو اپیدمییا بارهده معاریفلندیریلمهسی ایستیقامتینده موافیق تاپشیریقلار وئریلیب.
تاریخ
2020.02.24 / 19:47
|
مولف
Axar.az
|