بو مسئله ایله مشغول اولان‌دا هر زامان من کئچمیشه قاییدیرام، تاریخه قاییدیرام و سوال وئریرم. نه اوچون تورپاقلاریمیز ایشغال آلتینا دوشدو؟ نئجه اولدو کی، بیز بو تورپاقلاری قورویا بیلمدیک؟ نئجه اولدو کی، ارمنیلر خاریجی دستیین حسابینا تورپاقلاری ایشغال ائتدیلر، اینسانلاری اؤز دوغما تورپاقلارین‌دان دیدرگین سالدیلار؟ من بو سواللارا جاوابی بیلیرم و آذربایجان خالقی دا بیلیر. اما یئنه ده همیشه فیکیرلشیرم کی، اگر او واخت آذربایجانین باشین‌دا حیدر علیئو اولسایدی، هئچ واخت بیر قاریش تورپاق دا دوشمن طرفین‌دن ایشغال ائدیله بیلمزدی. چونکی اونون دؤورون‌ده آذربایجان حاکمیتی داغ‌لیق قاراباغ‌دا ائله بیر محکم ایراده‌یه صاحب ایدی کی، بیر نفر ارمنی ده سسینی چیخارا بیلمیردی.

آخار. آذ خبر وئریر کی، بونو آذربایجان رسپوبلیکاسینین پرزیدنتی ایلهام علیئو مایین ۲۸-ده باکینین قاراداغ رایونون‌دا مجبوری کؤچکونلر اوچون سالینمیش «قوبو پارک-۳» یاشاییش کومپلکسینین آچیلیشین‌دا چیخیشی زامانی دئییب.

دؤولت باش‌چی‌سی دئییب:

"دوزدور، موسکوایا، سیاسی بورویا دونوسلار یازیردیلار کی، گویا اونلاری اورادا اینجیدیرلر و یاخود دا اونلار دیسکریمیناسییایا اوغراییرلار. هامی‌سی یالان ایدی. چونکی اقتصادی گؤستریجیلر وار، اونلار گؤستریر کی، داغلیق قاراباغ‌دا یاشایان اینسانلار هئچ ده آذربایجانین او بیری تورپاقلارین‌دا، رایونلاردا یاشایان اینسانلاردان پیس یاشاماییبلار. آنجاق حیدر علیئوین قطیعتی، ایراده‌سی، جسارتی ایمکان وئرمیردی کی، اورادا بیر دنه ده اولسون حادثه باش وئرسین. اوندان اول - ۱۹۶۰-جی ایللرده حادثه‌لر باش وئریب. آنجاق حیدر علیئو آذربایجانا رهبرلیک ائتمه‌یه باشلایان‌دان سونرا و باکی‌دان موسکوایا گئدنه قدر اورادا هئچ بیر حادثه اولماییب. من شخصاً آتاملا بیرلیکده داغلیق قاراباغ‌دا اولموشام، خانکندی‌ده، شوشادا. من او آب-هاوانی گؤرموشه‌م، ۱۹۸۰-جی ایللرین اوللرین‌ده هم قیش آیلارین‌دا، - او مشهور فوتولار، ویدئولار وار، - هم ده یاز آیلارین‌دا. اورادا - هم خانکندی‌ده، هم ده باشقا یئرلرده هئچ بیر پروبلئم یوخ ایدی.

منیم گؤزومون قاباغین‌دا ارمنیلر حیدر علیئوین قارشی‌سین‌دا فرقت دورموش‌دولار، اونو سالاملاییردیلار. اورادا آذربایجان دیلین‌ده پوئزییا گونو کئچیریلمیش‌دیر. ارمنی، آذربایجان شاعرلری آذربایجان دیلین‌ده شعیرلر دئییردیلر. حیدر علیئوین قطعیتی، ایراده‌سی، جسارتی، مودریک‌لیگی ایمکان وئرمیردی کی، بیر دنه ده ارمنی باش قالدیرسین. شوشادا اولان زامان او قدیم آذربایجان شهرینین تاریخینی گؤررکه‌ن بیز بیر داها گؤروردوک کی، بیزیم نه قدر بؤیوک تاریخی ارثیمیز وار. یادیم‌دادیر، اولو اؤندر ائو-موزئیلری، اوزئییر حاجیبیلینین ائو-موزئیی حاقین‌دا و دیگر گؤستریشلر وئرمیشدی کی، آذربایجان مدنیتی اورادا دایم یاشاسین. ارمنیلر و بورادا یئرلی ساتقینلار حیدر علیئو موسکوادا ایشله‌یه‌ن‌ده دونوسلار، آنونیم مکتوبلار یازیردیلار. آیدین مسئله‌دیر کی، حیدر علیئو عاملی قویموردو کی، ائرمه‌نیلر باش قال‌دیرسینلار. بوراداکی ساتقینلار، خاینلر، آذربایجان میللتینین دوشمنلری دونوس یازیردیلار. ایندیکیلر ده یازیرلار. او واخت سیاسی بورویا یازیردیلار. بونلار ایسه بیزدن غرب اؤلکه‌لرینه دونوس یازیرلار. ایندیکی میللی ساتقینلار دئدییم او جینایتکار اونسور دسته‌سی او واختین دونوس یازانلارین‌دان فرق‌لنمیرلر. اونلار دا اؤزلرینه باشقا اؤلکه‌ده هیمایدار آختاریردیلار، بونلار دا. اونلارین دا، بونلارین دا اساس مقصدی حاکمیت‌دیر، نیین باهاسینا اولورسا-اولسون. باخ، بونا گؤره تورپاقلار ایشغال آلتینا دوشوب. باخین، حیدر علیئو سیاسی بورودان، سووئت اتفاقینین ناظیرلر سووئتین‌دن یوکسک وظیفه‌لردن گئدن‌دن سونرا ایکی هفته کئچممیش نه باش وئردی؟ بیر ائرمه‌نی میللت‌چی‌سی مقاله ایله چیخیش ائتدی کی، داغلیق قاراباغ ارمنیستانا وئریلمه‌لی‌دیر. اؤزو ده هارادا؟ فرانسا قزئتین‌ده. آرتیق ارمنی دیاسپورو بو ایشلره قوشولموش‌دو. سووئت اتفاقینین باشین‌دا دایانان آداملار دا اؤز ارمنیپرست مؤوقعیی ایله فرقلنمیشلر. بیز بونو یاخشی بیلیریک..."