اعدام جزاسینا محکوم اولان گونئی آذربایجان‌لی حکیم احمد رضا جلالینین بو حکمه اعتراضین‌دان ایل یاریم کئچمه‌سینه باخمایاراق، مووافیق قوروملار جاوابدئه‌لیک‌دن بویون قاچیریر.

آخار. آذ تلگراف. کوم-آ ایستینادا خبر وئریر کی، جلالینین حیات یولداشی ویدا مهران‌نییا حکیمین گناهسیز اولدوغونو بیلدیریب.

اونون سؤزلرینه گؤره، حیات یولداشینین گوناه‌سیزلیغینی ثبوت ائد‌ن دلیللرین محکمه اورگانینا تقدیم ائدیلمه‌سینه باخمایاراق، عدالت‌سیز قرار هله ده قوه‌ده قالیر و ایران-ایسوئچ وطنداشی اولان حکیم اعدام تهلوکه‌سی ایله قارشی-قارشییادیر.

مهران‌نییا قید ائدیب کی، هئچ بیر رسمی شخص نه اونا، نه ده جلالینین وکیللرینه جاواب وئریر:

«حالبوکی محکمه رسمیلرینین بیر چوخو، حتی تهلوکه‌سیزلیک اورقانلاری اونون گوناهسیزلیغینا و چیخاریلان اعدام حکمونون یانلیش اولدوغونا امیندیرلر. سهوین قبول ائدیلمه‌سینه باخمایاراق، عدالتین برپاسین‌دان بویون قاچیریلیر».

مهران‌نییا «آمریکانین سسی»نه وئردیی مصاحیبه‌ده حیات یولداشینین ایممونیتئت چاتیشمازلیغی و قان آزلیغین‌دان اذیت چکدیینی بیل‌دیره‌رک قید دیب کی، بو خسته‌لیکلر جلالینین ایران حبسخانالارین‌دا یاییلان کوروناویروس اینفئکسییاسینا یولوخما ریسکینی آرتیریر:

«بو گونه کیمی ایران رسمیلری جلالی و وکیللرینین، ائل‌جه ده بمت اینسان حاقلاری شوراسینین اونو مزونیته گؤندرمک باره‌ده طلبلرینه جواب وئرمه‌ییب».

حبسخانانین سانیتار-گیگیئنا وضعیتینین چوخ ضعیف اولدوغونو دئیه‌ن مهران‌نییا بیلدیریب کی، کوروناویروسون گئنیش یاییلدیغی حبسخانادا اونون یئگانه شان‌سی حاضردا یوکسک تهلوکه‌سیزلیک شرایطین‌ده، تام تجرید ائدیلمیش وضعیت‌ده ساخلانیلماسی‌دیر».

قید ائدک کی، احمد رضا جلالی ۲۰۱۶-جی ایلین مای آیین‌دا عائله‌سینی گؤرمک اوچون ایرانا سفری زامانی تهلوکه‌سیزلیک اورقانلاری طرفین‌دن ساخلانیلاراق، «ایسرایل جاسوسو» اتهامی ایله حبس اولونوب. تئهران اینقیلاب محکمه‌سی ۲۰۱۷-جی ایلین سئنتیابر آیین‌دا جلالینی اعداما محکوم ائدیب. قرار داها سونرا ایران آلی محکمه‌سی طرفین‌دن ده تصدیق اولونوب.

خاطیرلاداق کی، مارتین ۹-دا ایران رس‌میلری کوروناویروس سببین‌دن ۷۰ مین محکوما معزونیت ایجازه‌سی وئردیینی بیان ائدیب. لاکین اونلار آراسین‌دا نه گونئی آذربایجان‌لی میللی-مدنی فعاللار، نه ده سیاسی، اجتماعی و اینسان حاقلاری فعاللاری، ائل‌جه ده خاریجی وطنداشلار یوخ‌دور.

داها اؤنجه آمریکا بیرلشمیش ایشتاتلارینین دؤولت دپارتامئنتینین رهبری مایک پومپئو ایران‌دا مهکوملوق حیاتی یاشایان وطنداشلارین، ائل‌جه ده آمریکالیلارین آزادلیغا بوراخیلماسینی طلب ائدیب.