زهرلنمه یا دا الکتریسیته جریانی خودآفرین سددینده سودا یاشایان‌لارین قیریلماسینا سبب اولوب.

بو باره‌ده‌ شرقی آذربایجان بایتارلیق اداره‌سینین باش مودورو معلومات وئریب: "خودافرین سددی‌نین سودا یاشایان‌لاری‌نین قیریلماسی‌نین سببی خسته‌لیک دییل. احتیمال وئریلیر غیر مجاز بالیقچی‌لیق اوچون اینسانی عامیل زهر یا الکتریسیته جریانی قوللانمیش اولسون".

بو سدده خیردا و نارین بالیق‌لار، خرچنگ، مئیگو و چکیرتکه‌لر قیریلمیشدیلار.

بؤیوک بالیق‌لار خیردا بالیق لاردان آریدیلیب، آل- وئر اوچون استفاده اولونموشدو.

خاطیرلاتمالی‌ییق کئچن گون خودا فرین سددینده بیر چوخ مختلیف نوع‌لاردان سودا یاشایان‌لارین قیریلماسی‌نین شکیل‌لری یاییلمیش و جماعاتین نیگرانچی‌لیغینا سبب اولموشدو.