آنا صحیفه توپلوم |
باکینین ماشتاغا قصبهسیندهکی ۱۷-جی-۱۸-جی عصرلره عایید «قوم حمامی» باخیمسیز وضعیتده قالاراق زیبیلخانایا چئوریلیب.
کولت. آذ خبر وئریر کی، بو بارهده سوسیال شبکهده فوتولار پایلاشیلیب. گؤرونتولرده زیبیلخانایا چئوریلهن تاریخی عابیدهنین بیر حیصهسینین تورپاغین آلتیندا قالماسی عکس اولونوب.
مسئله ایله باغلی سایتیمیزا آچیقلاما وئرهن مدنیت ناظرلیگی یانیندا مدنی ارثین قورونماسی، اینکیشافی و برپاسی اوزره دؤولت خیدمتینین مطبوعات کاتیبی فاریز حسینلی بیلدیریب کی، حمامین اولدوغو اراضییه زیبیل تؤکولمهمهسی ایله باغلی ساکینلره دفعهلرله خبردارلیق اولونوب، اونلارلا معاریفلندیریجی صحبتلر ده آپاریلیب:
«تاریخی عابده اوللر ده بیر نئچه دفعه زیبیلدن تمیزلنیب، اطرافدا یاشایان اینسانلارا معلومات وئریلیب. بونا باخمایاراق، یئنه ده زیبیل تؤکورلر. وطنداشلار یاخینلیقدا زیبیل قوتولارینین اولماماسیندان شیکایت ائدیرلر. یاخینلیقدا زیبیل قوتولارینین قویولماسی اوچون ایجرا حاکمیتینه ده، بلدییهیه ده مراجعت اولونوب».
قوروم رسمیسی اونو دا بیلدیریب کی، حاضردا مدنیت ناظرلیگی یانیندا مدنی ارثین قورونماسی، اینکیشافی و برپاسی اوزره دؤولت خیدمتینین امکداشلاری تاریخی عابیدنین یئرلشدیی اراضیدهدیر:
«بلدییه و ایجرا نمایندهسی ده اراضییه دعوت اولونوب. آرتیق حمامین تمیزلهنمهسی ایشلرینه باشلانیلیب. گونون سونونادک یاخینلیقدا زیبیل قوتولاری دا قویولاجاق. همچینین عابیدهنین برپا اولونماسی مسئلهسی ده گوندهمدهدیر».
تاریخ
2020.07.10 / 19:09
|
مولف
Axar.az
|