ارمنیستان مئدیاسی اؤتن ایلین سنتیابرین‌دا ارمنی اوردوسونون سرحد بویونجا آذربایجان مؤقعلرینه قارشی تخریبات هجومو نتیجه‌سین‌ده باش وئره‌ن دؤیوشلرله باغلی سس یازیسی یاییب.

Axar.az خبر وئریر کی، سس یازیسین‌دا ارمنی حربچیلرین آغیر وضعیت‌ده اولدوغو عکس اولونور.

واردنیس شهرینین حربی کومیسراری کامسار آروتیونیانین اوغلو وئرمیر آروتیونیان آتاسی ایله علاقه یارادیب. آذربایجان مؤقعلرینی آرتیلرییا ایله وورماق اوچون دقیق کووردیناتلار وئریب. لاکین کوماندانلیق یا آرتیلرییا قورغولارینین یارارسیز اولماسیندان، یا دا بللی اولمایان هانسی‌سا سبب‌دن بونو یئرینه یئتیرمه‌ییب.

یاییلان سس یازیسین‌دا ایسه ارمنی کوماندیر بیلدیریر کی، «کووردیناتی وئریله‌ن مؤقعلری وورماق گوجون‌ه دئییللر».

بو فاکت بیر داها تصدیق ائدیر کی، سنتیابر دؤیوشلرینده ارمنیستان آذربایجان اوردوسونون مؤقعلرینه آرتیلرییا هجوملاری ائدیب.

سس یازیسین‌دان آیدین اولور کی، ارمنی حربچیلرین دانیشیقلارینا آذربایجان حربچیلری مداخیله ائدیر، رادیو علاقه زامانی حربچیلریمیز اوردوموزون کووردیناتلارینی وئره‌ن وئرمیر آروتیونیانا ارمنی دیلینده «آرا، نئجه‌سه‌ن» دئییر، آردینجا ارمنی اوردوسونون مؤوقعی محو ائدیلیر.