آنا صحیفه توپلوم |
کرمان شهرینده قاسم سلیمانینین آنیم مراسیمینده تؤرهدیلن و ۸۹ نفرین اؤلومو ایله نتیجهلنهن ترور عملیاتی بو دفعه باشقا فورمادا مسکوادا تکرارلاندی.
Axar.az خبر وئریر کی، بو سؤزلری ایرانین تورکییهدهکی سفیری محمد حسن حبیبوللاهزاده ژورنالیستلرله گؤروشونده دئییب.
سفیر کرمان و مسکوادا تؤرهدیلهن ترور آکتلارینین بیر چوخ جهتلره، حتی تروردا اشتراک ائدنلرین ملیتلرینه گؤره اوخشار اودوغونو سؤیلهییب.
محمد حسن حبیبوللاهزاده آمریکا کشفیاتینین ترورلاردان اؤنجه معلوماتلی اولدوغو بارهده بیاناتلارینی و مسئله ایله باغلی خبردارلیق ائتمهسینی «شبههلی» آدلاندیریب:
«آمریکا هجوملاری اولجهدن نئجه بیلیر؟ بس نیه همیشه بیزیم رگیوندا باش وئریر؟ بونلار ساده حادثهلر دئییل، اونلارین سرینی آچماق لازیمدیر. هجوملارین آرخاسیندا دوران قوه کیمدیر؟ آیدین دانیشماق اوچون هئچ بیر معلوماتیم یوخدور. اما بئله باخاندا هر ایکی حادثهده دستی خط و فورما عینیدیر»،- ایران سفیری قید ائدیب.
قید ائدک کی، یانوارین ۳-ده کرمان شهرینده قدس بریگاداسینین کئچمیش کماندیری قاسم سلیمانینین اؤلومونون ۴-جو ایلدؤنومو مراسمینده ایکی پارتلاییش تؤردیلیب. نتیجهده ۸۹ نفر اؤلوب، ۲۸۴ نفر یارالانیب.
تاریخ
2024.03.28 / 16:05
|
مولف
وصاله اسکندرووا
|